BJP Richest Political Party:: કેન્દ્રમાં સત્તાધારી પક્ષ ભાજપ તમામ રાજકીય પક્ષોમાં સૌથી શ્રીમંત પાર્ટી છે. ભાજપે 2019-20 નાણાકીય વર્ષ માટે 4847.78 કરોડ રૂપિયાની સંપત્તિ જાહેર કરી છે. બીજેપી પછી બીજા નંબરની સૌથી પૈસાવાળી પાર્ટી બહુજન સમાજ પાર્ટી છે ચૂંટણી સુધારણા તરફ કામ કરતી સંસ્થા એસોસિએશન ઓફ ડેમોક્રેટિક રિફોર્મ્સ (ADR)એ આ આંકડા જાહેર કર્યા છે.
એસોસિએશન ફોર ડેમોક્રેટિક રિફોર્મ્સે 2019-20માં રાષ્ટ્રીય અને પ્રાદેશિક પક્ષોની સંપત્તિ અને જવાબદારીઓના તેના વિશ્લેષણના આધારે આ અહેવાલ તૈયાર કર્યો છે. ADR મુજબ, નાણાકીય વર્ષ દરમિયાન સાત રાષ્ટ્રીય અને 44 પ્રાદેશિક પક્ષો દ્વારા જાહેર કરાયેલ કુલ સંપત્તિ રૂ. 6,988.57 કરોડ અને રૂ. 2,129.38 કરોડ હતી. સાત રાષ્ટ્રીય પક્ષોમાં ભાજપ પાસે સૌથી વધુ 4847.78 કરોડ રૂપિયાની સંપત્તિ છે, જે 69.37 ટકા છે. બસપા રૂ. 698.33 કરોડ સાથે બીજા સ્થાને છે અને રાષ્ટ્રીય પક્ષોમાં કુલ સંપત્તિના 9.99 ટકા ધરાવે છે. સૌથી જૂની રાજકીય પાર્ટી કોંગ્રેસે 2019-20માં માત્ર 588.16 કરોડ રૂપિયાની સંપત્તિ જાહેર કરી છે, જે રાષ્ટ્રીય પક્ષોની કુલ સંપત્તિના માત્ર 8.42 ટકા છે.
44 ક્ષેત્રીય દળોમાં ટોચની 10 પાર્ટીઓની કુલ જાહેર કરાયેલી સંપત્તિના 95.27 ટકા જેટલી છે. નાણાકીય વર્ષ 2019-20માં પ્રાદેશિક પક્ષોમાં સમાજવાદી પાર્ટી પાસે સૌથી વધુ 563.47 કરોડ રૂપિયાની સંપત્તિ છે. જ્યારે TRSએ રૂ. 301.47 કરોડ અને AIADMKએ રૂ. 267.61 કરોડની સંપત્તિ જાહેર કરી છે.
રાષ્ટ્રીય પક્ષોમાં, BJP અને BSPએ 2019-20 નાણાકીય વર્ષ માટે FDR અને ફિક્સ્ડ ડિપોઝિટ કેટેગરી હેઠળ રૂ. 3,253.00 કરોડ અને રૂ. 618.86 કરોડની જાહેરાત કરી છે. જ્યારે કોંગ્રેસે રૂ. 240.90 કરોડ જાહેર કર્યા છે. પ્રાદેશિક પક્ષોમાં, સમાજવાદી પાર્ટીએ એફડીઆર અને ફિક્સ્ડ ડિપોઝિટ કેટેગરી હેઠળ રૂ. 563.47 કરોડ, TRS રૂ. 301.47 કરોડ અને AIADMK રૂ. 267.61 કરોડની મહત્તમ સંપત્તિ જાહેર કરી છે.
