કુમાર સાનુએ આદિત્ય નારાયણના મોટા ભાઈની ફરજ બજાવી, લગ્ન પહેલા નેહા કક્કડને ઓઢણી ઓઢાડી

ઈંડીયન આઈડલ 11 એ ટીવી પરનો એક હિટ રિયાલિટી શો છે. આ શો એક બીજા કારણોસર પણ ચર્ચામાં છે, તે છે નેહા કક્કડ અને આદિત્ય નારાયણના લગ્ન. આ બંનેના લગ્નની ચર્ચા છેલ્લા કેટલાક સમયથી ચાલી રહી છે. લગ્નને અંતિમ સ્વરૂપ આપવા માટે આદિત્યના માતા-પિતા દીપા નારાયણ અને ઉદિત નારાયણ શોમાં આવ્યા હતા. તે જ સમયે, નેહા કક્કડના માતાપિતાએ પણ આ સંબંધને મંજૂરી આપી હતી.

લગ્નની તારીખ 14 ફેબ્રુઆરીએ નક્કી કરવામાં આવી છે. તાજેતરમાં, કુમાર સાનુ આ શોમાં મહેમાન તરીકે આવ્યા હતા. કુમાર શાનુએ બોલિવૂડમાં કામ કરતાં 30 વર્ષ પૂરા કર્યા છે. આ પ્રસંગે, તેમને શો પર બોલાવવામાં આવ્યા હતા. કુમાર શાનુના આગમન પર, બધા સ્પર્ધકોએ પોતપોતાનાં ગીતો ગાયાં. અહીં કુમાર સનુએ નેહા કક્કડને ખાસ ગિફ્ટ આપી હતી.

કુમાર શાનુએ આદિત્ય નારાયણ વતી નેહાને લાલ ચુનરી ભેટ કરી. નેહાએ તેને લગ્નના શુકન તરીકે સ્વીકાર્યું. આ એપિસોડ આગામી સપ્તાહના અંતે બતાવવામાં આવશે. ચુનરી આપ્યા પછી કુમાર સાનુએ ફિલ્મ 'પ્યાર કિયા તો ડરના ક્યા' ફિલ્મનું 'ઓઢ લી ચુનરીઆ' ગીત ગાયું.

તમામ સ્પર્ધકોએ કુમાર શાનુને પણ ટેકો આપ્યો હતો. નેહા અને આદિત્યના લગ્ન વિશે ઉદિત નારાયણનું નિવેદન પણ સામે આવ્યું છે. તેણે કહ્યું હતું કે, 'બંને બાળકોની જોડી પહેલેથી થઈ ચુકી છે. ટીવી પર પણ સતત સમાચાર આવતા રહે છે. મને નેહા પણ ખૂબ ગમે છે. મને પણ ગમશે કે ઘરમાં કોઈ સ્ત્રી ગાયિકા આવી જશે.