Publish Date: Sat, 29 Mar 2025 (16:20 IST)
Updated Date: Sat, 29 Mar 2025 (16:27 IST)
વડોદરાના વાઘોડિયા તાલુકાના માલોધર રોડ પર હિટ એન્ડ રનની ઘટના બની છે. ડમ્પરની ટક્કરથી એક્ટિવા પર સવાર માતા અને પુત્રી ગંભીર રીતે ઘાયલ થયા હતા. આ અકસ્માતમાં ૧૨ વર્ષની પુત્રી કાવ્યા પટેલનું મોત નીપજ્યું. અકસ્માતના સીસીટીવી ફૂટેજ પણ સામે આવ્યા છે. અકસ્માત બાદ ભાગી ગયેલા ડમ્પર ચાલકની વાઘોડિયા પોલીસે શોધખોળ શરૂ કરી છે. ઉલ્લેખનીય છે કે આ ઘટના 27 માર્ચે બની હતી, જેની ફરિયાદ શુક્રવારે વાઘોડિયા પોલીસ સ્ટેશનમાં નોંધાઈ હતી.
દુર્ઘટનામાં એક છોકરીનું મોત
આ અકસ્માત સીસીટીવીમાં કેદ થયો હતો અને જોઈ શકાય છે કે કેવી રીતે ડ્રાઈવર ડમ્પરને પૂરપાટ ઝડપે ચલાવી રહ્યો હતો અને માતા-પુત્રીને ટક્કર મારી હતી. આ ઘટનામાં, મૃતક કાવ્યાના પિતા, જે દુબઈમાં રહે છે, તેમને ઘટનાની જાણ કરવામાં આવી છે. હિટ એન્ડ રનની ઘટનાઓ પછી પણ વાહનોની ગતિ ઓછી થઈ રહી નથી.
આ બનાવ અંગે અકસ્માતનો ભોગ બનેલી કાવ્યાના મામા કૌશિકભાઇ પટેલે જણાવ્યું હતું કે કાવ્યા ધોરણ 7માં અભ્યાસ કરતી હતી અને જીલ ધોરણ 4માં અભ્યાસ કરે છે. બંને વાઘોડિયા ખાતેની એક જ સ્કૂલમાં છે. બહેન તેની દીકરીને લઇ મારા ઘરે આવતી હતી એ દરમિયાન આ ઘટના બની હતી. મારા બનેવી સાઉદી અરબમાં હતા. ઘટનાની જાણ કરતાં તેઓ મોડીરાત્રે આવી ગયા હતા. આજે કાવ્યાના પોસ્ટમોર્ટમ બાદ આગળની કાર્યવાહી કરવામાં આવશે.
