રાજ્યમાં કમોસમી વરસાદ, શિયાળું પાકને નુકસાન, ખેડૂતોમાં કહીં ખુશી કહીં ગમનો માહોલ

છેલ્લા એક સપ્તાહથી વધુ સમયથી ગુજરાતમાં પડી રહેલી કડકડતી ઠંડી વચ્ચે હવામાનમાં પલટો આવ્યો છે. હવામાન વિભાગના જણાવ્યા અનુસાર અમદાવાદના પૂર્વ વિસ્તારમાં ભારે વરસાદ થયો છે. જેમાં શહેરના અનેક વિસ્તારોમાં વાદળોના ગડગડાટ બાદ  વરસાદ શરૂ થયો હતો. 

જિલ્લામાં રવિવારે વાતાવરણમાં પલટો આવ્યો હતો. સવારથી વાદળછાયું વાતાવરણ છે. અમુક જગ્યાએ ઝરમર ઝરમર તો અમુક જગ્યાએ હળવો વરસાદ પડ્યો હતો. જ્યારે છેલ્લા 24 કલાકમાં સૌથી વધુ રાધનપુરમાં સવા 1 ઇંચ અને અમીરગઢમાં 1 ઇંચ વરસાદ ખાબક્યો હતો. જ્યારે પોશીનામાં પોણા 1 ઇંચ સહિત 38 તાલુકામાં નોંધણીલાયક વરસાદ વરસ્યો હતો.

આ સિઝનમાં પ્રથમ વખત તહેવારની શરૂઆત થઈ છે. જેના કારણે પાકને ફાયદો થશે.  થોડા દિવસો અગાઉ તાપમાન ઘટવાથી પાક પર બરફ પડ્યો હતો. જેના કારણે સરસવના પાકને ઘણું નુકસાન થયું છે. તો બીજી તરફ નિષ્ણાતો કહે છે કે વરસાદથી પાકમાં રોશન આવશે. ખાસ કરીને સરસવ, જવ અને ચણાના પાકમાં ઘણો ફાયદો થઈ શકે છે. હકીકતમાં, વરસાદ દ્વારા પાણી ફરી ભરાશે, જ્યારે વરસાદના પાણીમાં વધુ પોષક તત્વો હોય છે. આ કારણે ઉપજ વધે છે. 

માવઠાથી માણાવદર શહેરમાં જીનીંગ મિલોના કમ્પાઉન્ડમાં રહેલો કપાસ પલળી ગયો હતો. પંથકમાં પણ માવઠું પડતા કપાસને પણ નુકસાન પહોંચ્યું હતું. તો બીજી તરફ વલસાડમાં ધરમપુરના કેટલાક ગામોમાં થયેલા કમોસમી વરસાદથી કેરીના પાકને નુકશાન થવાની સંભાવના ઉભી થઇ છે. કમોસમી વરસાદના કારણે ખેડૂતોના શિયાળુ પાકને ભારે નુકસાની આવી છે. ઘઉ, જીરૂ, જેવા પાકોમાં ભારે નુકસાની વેઠવાનો વારો ખેડૂતોને આવ્યો છે.

હવામાન વિભાગની આગાહી મુજબ સામાન્ય રીતે ઉત્તરાયણના વરસાદ પછી ઠંડીની તીવ્રતા ઘટી જાય છે. ડબલ સિઝન શરૂ થાય છે. પરંતુ, આ વખતે ઉત્તરાયણ બાદ ઠંડીનો પારો સતત નીચે જતા છેલ્લા એક સપ્તાહથી ઠંડી પડી રહી છે. દરમિયાન હવામાન વિભાગે રાજ્યના વિવિધ જિલ્લાઓમાં કમોસમી વરસાદની આગાહી કરી છે. પરિણામે અમદાવાદ શહેરના અનેક વિસ્તારોમાં કમોસમી વરસાદ થયો હતો. 

આગામી દિવસોમાં અમદાવાદ સહિત ઉત્તર ગુજરાતના આણંદ, અરવલ્લી, દાહોદ, ગાંધીનગર, ખેડા, મહિસાગર અને સાબરકાંઠાના કેટલાક વિસ્તારોમાં હળવો વરસાદ પડી શકે છે. જ્યારે ગુજરાતના અન્ય જિલ્લાઓમાં હવામાન સામાન્ય રહેશે. હવામાન વિભાગની આગાહી મુજબ આગામી બે દિવસ દરમિયાન તાપમાનમાં 2 ડિગ્રીનો ઘટાડો થઈ શકે છે. 30 જાન્યુઆરીથી 1 ફેબ્રુઆરી સુધી તાપમાનમાં 3 થી 4 ડિગ્રીનો વધારો થઈ શકે છે.