ઇન્ડિયન એક્સપ્રેસના એક અહેવાલ અનુસાર ગુરુવારે સાંજે ગાંધીનગર-મુંબઈ વંદે ભારત સુપરફાસ્ટ એક્સપ્રેસ સાથે ઉદવાડા અને વાપી સ્ટેશન વચ્ચે ઢોર અથડાતાં અકસ્માત સર્જાયો હતો.
એક રેલવે અધિકારી અનુસાર, આ અકસ્માતના કારણે ટ્રેનની ફ્રન્ટ પૅનલને થોડું નુકસાન પણ પહોંચ્યું હતું.
નોંધનીય છે વંદે ભારત સેમિ-હાઇસ્પીડ ટ્રેન શરૂ થયાના બે માસમાં આ રૂટ પર ચોથી આવી ઘટના સર્જાઈ છે.
પશ્ચિમ રેલવેના મુખ્ય જનસંપર્ક અધિકારી સુમિત ઠાકુરે કહ્યું કે સાંજે 6.23 વાગ્યે ઉદવાડા અને વાપી વચ્ચેની લેવલ ક્રોસિંગ નં. 87 પાસે આ ઘટના બની હતી.
તેમણે કહ્યું કે, “આ ઘટનાના કારણે ટ્રેનના આગળના ભાગને નુકસાન થયું હતું, તેમજ અન્ય કોઈ ખામી સર્જાઈ નહોતી. નુકસાન રિપૅરિંગ માટે રાત્રે કામ કરાશે.”
