ગ્રીન એનર્જી સેક્ટરમાં ગુજરાત ફરીથી આગળ, હવે સોલર-વિંડ એનર્જી માટે મેળવ્યુ પહેલુ સ્થાન

Gujarat Leading in Green Energy Sector: ગુજરાતની ભૂપેન્દ્ર પટેલ સરકાર પ્રદેશને દરેક સેક્ટરમાં ઝડપથી આગળ વધારવા માટે સતત કામ કરી રહી છે આ હેઠળ રાજ્ય સરકાર પ્રદેશમાં રિન્યૂએબલ એનર્જી સેક્ટરમાં ઝડપથી આગળ વધી રહી છે. ગુજરાતે ઓક્ટોબર મહિનામાં 30 ગીગાવોટની રેકોર્ડ ક્ષમતા સાથે રિન્યૂએબલ એનર્જી સેક્ટરમાં અગ્રણી સ્થાન પણ મેળવ્યુ. આ દરમિયાન ગુજરાતે હવે સોલર અને વિંડ એનર્જીના સેક્ટરમાં પણ દેશમા પહેલુ સ્થાન મેળવ્યુ છે. 

રિન્યુએબલ એનર્જી સોર્સનો વિકાસ  

સૌર અને પવન ઊર્જા સ્થાપનોની દ્રષ્ટિએ ગુજરાત દેશમાં પ્રથમ ક્રમે છે. આ ઉપરાંત, ગુજરાત ભવિષ્ય માટે પુનઃપ્રાપ્ય ઊર્જાના સ્રોતોના વ્યાપક વિકાસ દ્વારા પર્યાવરણની સુરક્ષામાં પણ મોખરે છે. રાજ્ય સરકાર પુનઃપ્રાપ્ય ઊર્જાના સ્રોતોનો વિસ્તાર કરવાનો પ્રયાસ કરી રહી છે. ગુજરાત સરકાર આ ક્ષેત્રમાં નવા રોકાણોને પ્રોત્સાહન આપવા માટે પ્રતિબદ્ધ છે. રાજ્ય સરકાર મોટા ઉદ્યોગોથી માંડીને નાના વિકાસકર્તાઓ સુધી આ ક્ષેત્રને સુવિધા આપવા માટે નીતિગત સુધારાઓ દ્વારા પ્રોત્સાહન આપી રહી છે.

દેશનુ ડી કાર્બોનાઈજેશન લક્ષ્ય 

GUVNL એ વર્ષ 2023-24 દરમિયાન દેશભરમાં 13 ગીગાવૉટ કૈપેસિટીના રિન્યુએબલ એનર્જી એગ્રીમેંટ પર સાઈન કરી છે.  આ ઉપરાંત ગુજરાતે દેશમાં પોતાની ઉપલબ્ધિઓને કાર્યમ રાખવા દેશના ડી કાર્બોનાઈજેશન લક્ષ્યમા પોતાનુ યોગદાન આપવા માટે 2030 સુધી નવીકરણીય ક્ષમતાનો એક મહત્વાકાન્ક્ષી લક્ષ્ય પણ નક્કી કર્યુ છે.  આ માટે એક લોંગ ટર્મ રણનીતિ પણ બનાવી છે.  

રિન્યુએબલ એનર્જી પોલિસી-2023

રાજ્ય સરકારે પુનઃપ્રાપ્ય ઉર્જા ઉદ્યોગના વિકાસની સફળતાને વધુ પ્રોત્સાહન આપવા કેટલાક મહત્વપૂર્ણ પગલાં લીધા છે. તેમાં રિન્યુએબલ એનર્જી પોલિસી-2023 હેઠળ રિન્યુએબલ એનર્જી પ્રોજેક્ટ્સના ડેવલપર્સને પ્રોત્સાહિત કરવા માટે નવી સ્કીમ DREBPનો સમાવેશ થાય છે. આ યોજના હેઠળ, વિકાસકર્તાઓ અને નાના રોકાણકારો ખૂબ જ સરળ પ્રક્રિયા દ્વારા ગુજરાતમાં 5 મેગાવોટ સુધીની નાની ક્ષમતાના સૌર ઉર્જા અને 10 મેગાવોટથી ઓછી ક્ષમતાના પવન ઉર્જા પ્રોજેક્ટ્સ સ્થાપી શકશે.