Daily Horoscope

Select Your Language

Notifications

webdunia
webdunia
webdunia
webdunia

ગુજરાતમાં 'જૈશ-એ-મોહમ્મદ'નું નેટવર્ક ઊભું કરવાનો પ્રયાસ: ATSની પૂછપરછમાં ચોંકાવનારા ખુલાસા

gujarat ats
gujarat ats
 
ગુજરાત ATS દ્વારા ઝડપાયેલા પાંચ શંકાસ્પદ આતંકીઓની પૂછપરછ દરમિયાન અનેક મહત્વના અને ચોંકાવનારા ખુલાસા સામે આવ્યા છે. તપાસ એજન્સીઓના જણાવ્યા મુજબ, પ્રાથમિક તપાસમાં એવી માહિતી મળી છે કે આ આરોપીઓ ગુજરાતમાં પ્રતિબંધિત આતંકવાદી સંગઠન 'જૈશ-એ-મોહમ્મદ'નું નેટવર્ક ઊભું કરવાની દિશામાં સક્રિયપણે કામ કરી રહ્યા હતા. રાજ્યમાં આતંકી પ્રવૃત્તિઓનો ફેલાવો કરવાના આ ગંભીર પ્રયાસને પગલે હાલ સમગ્ર મામલે સુરક્ષા એજન્સીઓ દ્વારા વધુ ઊંડાણપૂર્વક તપાસ ચલાવવામાં આવી રહી છે.

હથિયારો, બોમ્બ અને ઝેરી ગેસ બનાવવાની તાલીમ

ATSની તપાસમાં સામે આવ્યું છે કે ઝડપાયેલા આરોપીઓમાંથી કેટલાકે AK-47 રાઇફલ અને પિસ્તોલ જેવા ઘાતક હથિયારો ચલાવવાની મેળવી હતી. આ ઉપરાંત, તેઓએ ટાઈમર આધારિત બોમ્બ બનાવવાની પદ્ધતિ તેમજ તેના ટેસ્ટ બ્લાસ્ટ અંગે પણ વિશેષ તાલીમ લીધી હોવાનું ખુલ્યું છે. સૌથી વધુ ચોંકાવનારો ખુલાસો એ થયો છે કે આ આરોપીઓએ ઝેરી ગેસ બનાવવાના પ્રયોગો અંગેની માહિતી અને ટ્રેનિંગ પણ મેળવી હતી, અને વિવિધ સ્થળોએ ટાઈમ બોમ્બના સક્સેસફુલ ટેસ્ટ કર્યા હોવાની વિગતો પણ પ્રકાશમાં આવી છે.
 

ઓનલાઈન સામગ્રી અને આઈઈડી (IED) બ્લાસ્ટના ટેસ્ટ

સુરક્ષા એજન્સીઓએ આરોપીઓ પાસેથી વિસ્ફોટક અને બોમ્બ બનાવવા માટે ઉપયોગમાં લેવાતી વિવિધ પ્રકારની સામગ્રીઓ મોટી માત્રામાં જપ્ત કરી છે. તપાસ દરમિયાન ખુલાસો થયો છે કે આ આરોપીઓ વર્ષ 2023થી જ IED (ઈમ્પ્રોવાઈઝ્ડ એક્સપ્લોસિવ ડિવાઈસ) તૈયાર કરવાની અને તેનો બ્લાસ્ટમાં ઉપયોગ કરવાની ખતરનાક પદ્ધતિઓ શીખી રહ્યા હતા. છેલ્લા કેટલાક વર્ષોમાં તેઓએ અનેક વખત ગુપ્ત સ્થળોએ ટેસ્ટ બ્લાસ્ટ પણ કર્યા હતા, જેના માટે જરૂરી કેટલીક સામગ્રીઓ ડિજિટલ કે ઓનલાઈન પ્લેટફોર્મ મારફતે ઓર્ડર કરીને મંગાવવામાં આવી હતી.

વડોદરાની ગુપ્ત બેઠક અને જેહાદી સાહિત્યની તપાસ

આ કેસમાં એક મહત્વનો વળાંક ત્યારે આવ્યો જ્યારે ખબર પડી કે આરોપીઓએ વડોદરામાં એક અજાણ્યા કાશ્મીરી વ્યક્તિ સાથે ગુપ્ત બેઠક યોજી હતી. આ બેઠક પાછળનો મુખ્ય હેતુ શું હતો અને તેના તાર ક્યાં જોડાયેલા છે તે અંગે એજન્સીઓ તપાસ કરી રહી છે. આ સાથે જ આરોપીઓ પાસેથી જેહાદી વિચારધારાને પ્રોત્સાહન આપતું ડિજિટલ અને પ્રિન્ટેડ સાહિત્ય પણ મળી આવ્યું છે. હાલમાં ATS આ આરોપીઓના અન્ય સ્થાનિક સંપર્કો, ફંડિંગના સ્ત્રોત અને કોઈ મોટા આતંકી ષડયંત્રના પ્લાનિંગ અંગે ઝીણવટભરી તપાસ ચલાવી રહી છે.

Share this Story:

Follow Webdunia gujarati

આગળનો લેખ

ભારતે સ્પેસ સેક્ટરમાં રચ્યો ઈતિહાસ, પોતાના ઓર્બિટમાં પહોચ્યુ પહેલુ પ્રાઈવેટ રૉકેટ 'વિક્રમ-1' જાણો તેની ખૂબીઓ