ગુજરાતમાં લમ્પી ડિસીઝના કારણે નોંધાયેલા પશુઓના મૃત્યુની સંખ્યા વધીને 2,633 થઈ ગઈ છે કારણ કે સોમવારે વધુ 131 પશુઓ વાયરસને કારણે મૃત્યુ પામ્યા હતા. રાજ્ય સરકાર દ્વારા શેર કરાયેલ ડેટા અનુસાર, લમ્પી સ્કિન ડિસીઝ રાજ્યના 22 જિલ્લામાં 72,893 પશુઓને ચેપ લાગ્યો છે, જેમાંથી 51,878 સાજા થઈ ગયા છે. રાજ્ય સરકાર દ્વારા અત્યાર સુધીમાં 28.33 લાખ પશુઓને રસી આપવામાં આવી છે.
બનાસકાંઠામાં LSDના સૌથી વધુ કેસો
ગુજરાતમાં 3,200 થી વધુ ગામડાઓ આ રોગથી પ્રભાવિત છે, જેમાં અંદાજે 20 મિલિયન ગાયો અને ભેંસ છે. આ વાયરસે ગુજરાતના ગામડાઓને ભરડામાં લીધા છે. બનાસકાંઠા જિલ્લામાં લમ્પી ડિસીઝના સૌથી વધુ કેસ નોંધાયા છે જ્યાં 1,086 કેસ નોંધાયા હતા. સોમવારે પણ જિલ્લામાં 17 પશુઓના મોત થયા હતા.
કચ્છમાં એલએસડીથી સૌથી વધુ પશુઓના મોત
સૌથી વધુ પશુઓના મોત કચ્છમાં થયા છે જ્યાં એક જ દિવસમાં 70 પશુઓના મોત થયા છે. સોમવારે કચ્છમાં એલએસડીના 44 નવા કેસ નોંધાયા હતા. રાજ્ય સરકારે ઝડપથી ફેલાતા ચેપ સામે લડવા માટે જિલ્લા સ્તરે પશુઓ માટે 44.84 લાખથી વધુ રસીના ડોઝની ફાળવણી કરી છે.
એલએસડી અટકાવવા રસીકરણ પર ભાર
થોડા દિવસો પહેલા, નેશનલ ડેરી ડેવલપમેન્ટ બોર્ડ (NDDB) એ દેશમાં પશુઓને અસર કરતા લમ્પી સ્કિન ડિસીઝ (LSD) નો સામનો કરવા માટે ગુજરાત સહિત અનેક રાજ્યોને ગોટપોક્સ રસીના 28 લાખ ડોઝ આપ્યા છે. એનડીડીબીના પ્રમુખ મીનેશ શાહે આણંદમાં બોર્ડ હેડક્વાર્ટર ખાતે મીડિયા સાથે વાતચીત કરતા જણાવ્યું હતું કે, “અમારી પાસે ઈન્ડિયન ઇમ્યુનોલોજિકલ લિમિટેડ નામની પેટાકંપની છે, જે રસીનું ઉત્પાદન કરે છે. અમે છેલ્લા 15 દિવસમાં 28 લાખ ગોટપોક્સ રસીના ડોઝ સપ્લાય કર્યા છે, જેમાં ગુજરાત માટે રસીના 10 લાખ ડોઝનો સમાવેશ થાય છે.
