Publish Date: Mon, 06 Nov 2023 (10:43 IST)
Updated Date: Mon, 06 Nov 2023 (10:49 IST)
Rajasthan Congress Candidate List: કોંગ્રેસે રવિવારે રાજસ્થાન વિધાનસભા ચૂંટણી માટે 21 ઉમેદવારોની સાતમી અને અંતિમ યાદી જાહેર કરી. આમાં સૌથી મહત્ત્વનું નામ કેબિનેટ મંત્રી શાંતિ ધારીવાલનું છે, જેમને ફરી એકવાર કોટા ઉત્તર વિધાનસભા મતવિસ્તારથી ટિકિટ આપવામાં આવી છે.
પાર્ટી દ્વારા જાહેર કરાયેલા ઉમેદવારોની યાદી અનુસાર ધારીવાલને કોટા ઉત્તર અને રાજસ્થાન સરકારના મંત્રી ઝાહિદા ખાનને કામાથી ટિકિટ આપવામાં આવી છે. ધારીવાલની ટિકિટને લઈને શંકાનો માહોલ હતો. પાર્ટીએ શનિવારે રાજ્ય સરકારના અન્ય મંત્રી મહેશ જોશીની ટિકિટ રદ કરી હતી.
મુખ્ય પ્રધાન અશોક ગેહલોતના નજીકના ગણાતા ધારીવાલ અને જોશી એ બે અગ્રણી નેતાઓ છે જેમને 2022માં કોંગ્રેસ ધારાસભ્ય દળની બેઠક સિવાય સમાંતર બેઠક બોલાવવા માટે જવાબદાર ગણવામાં આવે છે. કોંગ્રેસના કેન્દ્રીય નેતૃત્વએ તેને અનુશાસનહીન ગણાવ્યું હતું.
