મહારાષ્ટ્રના રાયગઢમાં પૂરના પાણીમાં વહી ગયા લગભગ 3 હજાર LPG ગેસ સિલેંડર, વીડિયો થયો વાયરલ

LPG gas cylinders swept in flood

મહારાષ્ટ્રના રાયગઢ જિલ્લામાં મુશળધાર વરસાદ વચ્ચે એક ચોંકાવનારી ઘટના સામે આવી છે. રાયગઢમાં પાતાળગંગા નદીમાં લગભગ 3,000 LPG સિલિન્ડર તરતા જોવા મળ્યા છે. નદીમાં તરતા LPG સિલિન્ડરનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.

નદીમાં વહી ગયા એલપીજી બૉટલિંગ પ્લાંટના LPG સિલેંડર 

અહેવાલો અનુસાર, રાયગઢ જિલ્લાના પનવેલ તાલુકાના ચાવણેમાં HPCLના પાતાળગંગા LPG બોટલિંગ પ્લાન્ટમાં ભારે વરસાદ અને પાણી ભરાવાના કારણે મોટી સંખ્યામાં ગેસ સિલિન્ડર પાતાળગંગા નદીમાં વહી ગયા હતા. એવું જાણવા મળ્યું છે કે વહી ગયેલા આશરે 3,000 સિલિન્ડરોમાંથી કેટલાક ભરેલા હતા, જ્યારે અન્ય ખાલી હતા.

Nearly 3,000 LPG cylinders were swept into the Patalganga River after flooding at HPCL's bottling plant in Raigarh district of Maharashtra prompting authorities to urge people not to touch or collect any cylinders found downstream, warning they could still contain gas and pose a… pic.twitter.com/NHAELfopIQ

— Piyush Rai (@Benarasiyaa) July 9, 2026

ડીએમ સિલિન્ડરો પાસે ન જવા અપીલ કરી 

ઘટનાની માહિતી મળતાં, જિલ્લા વહીવટીતંત્ર અને સંબંધિત એજન્સીઓ એલર્ટ થઈ ગઈ. રાયગઢ જિલ્લા મેજિસ્ટ્રેટ કિશન જવાલે નાગરિકોને અપીલ કરી છે કે નદીમાં અથવા તેના કિનારામાં તણાઈ ગયેલા કોઈપણ ગેસ સિલિન્ડરની નજીક ન જાય, ન તો તેને ઉપાડવાનો કે ઘરે લઈ જવાનો પ્રયાસ કરે.

નદીમાં તરતા સિલિન્ડરોને સ્પર્શ કરવો કે ખોલવો ખતરનાક  

જિલ્લા મેજિસ્ટ્રેટે જણાવ્યું હતું કે હાલમાં તે સ્પષ્ટ નથી કે સિલિન્ડરો ગેસથી ભરેલા છે કે નહીં અથવા તે કેટલા સુરક્ષિત છે. તેથી, કોઈપણ સિલિન્ડરને સ્પર્શ કરવો, ખોલવો અથવા ઉપયોગ કરવાનો પ્રયાસ કરવો અત્યંત જોખમી અને જીવલેણ પણ હોઈ શકે છે.

જો તમે પાતાળગંગા નદીમાં કોઈ સિલિન્ડર જુઓ, તો વહીવટીતંત્રને જાણ કરો.

પ્રશાસને જનતાને અપીલ કરી છે કે જો તેઓ કોઈ તરતા ગેસ સિલિન્ડર જુએ તો તાત્કાલિક સ્થાનિક વહીવટીતંત્ર અથવા સંબંધિત અધિકારીઓને જાણ કરે અને તેનાથી સુરક્ષિત અંતર જાળવી રાખે.

રાયગઢ વહીવટીતંત્રે સાવધાની રાખવા અપીલ કરી છે. અવિરત વરસાદ વચ્ચે પાતાળગંગા નદીમાં હજારો ગેસ સિલિન્ડર તરતા હોવાથી રહેવાસીઓમાં ચિંતા વધી છે. વહીવટીતંત્ર પરિસ્થિતિ પર નજર રાખી રહ્યું છે અને રહેવાસીઓને સતર્ક રહેવા વિનંતી કરી રહ્યું છે. લોકોને કોઈપણ સિલિન્ડર દેખાય તો તેનાથી દૂર રહેવાની સલાહ આપવામાં આવે છે.