કર્ણાટકના ચૂંટણી બ્યુગલનુ કાઉંટડાઉન શરૂ થઈ ગયુ છે. ચૂંટ ણી પંચે આજે કર્ણાટક વિધાનસભા ચૂંટણીની તારીખોનુ એલાન કરી દીધુ છે. કર્ણાટકમાં 224 બેઠકો પર એક જ તબક્કામાં વિધાનસભા ચૂંટણી યોજાશે. રાજ્યમાં 10 મેના રોજ મતદાન થશે અને 13 મેના રોજ પરિણામ આવશે. મુખ્ય ચૂંટણી કમિશનર રાજીવ કુમારે કહ્યું કે રાજ્યમાં 9.17 લાખ નવા મતદારો છે જેઓ પ્રથમ વખત મતદાન કરશે. જે યુવા 1 એપ્રિલે 18 વર્ષના થઈ રહ્યા છે તેઓ પણ મતદાન કરી શકશે. આવા 224 બૂથ બનાવવામાં આવ્યા છે, જેમાં યુવા કર્મચારીઓને તૈનાત કરવામાં આવશે અને 100 બૂથ પર અલગ-અલગ-વિકલાંગ કર્મચારીઓનો સ્ટાફ હશે.
કર્ણાટક વિધાનસભાનો કાર્યકાળ 24 મેના રોજ સમાપ્ત થઈ રહ્યો છે.
80 વર્ષથી વધુ વયના અને દિવ્યાંગ લોકો માટે ઘરેથી મતદાન
મુખ્ય ચૂંટણી કમિશનર રાજીવ કુમારે કહ્યું કે નિષ્પક્ષ ચૂંટણી કરાવવાની અમારી પ્રાથમિકતા છે. 224 વિધાનસભા બેઠકો છે, રાજ્યમાં લગભગ 17 હજાર એવા મતદારો છે જેમની ઉંમર 100 વર્ષ વટાવી ગઈ છે. કર્ણાટકમાં કુલ 5.22 કરોડ મતદારો છે. તેમણે કહ્યું કે, પંચનો સારો નિર્ણય છે કે 80 વર્ષથી વધુ વયના અને દિવ્યાંગો માટે ઘરેથી મતદાનની સુવિધા શરૂ કરવામાં આવી છે.
રાજ્યની વિધાનસભાનો કાર્યકાળ 24 મેના રોજ પૂરો થઈ રહ્યો છે, જેથી રાજ્યનું રાજકારણ ગરમાયું છે. અગાઉ તાજેતરમાં મુખ્ય ચૂંટણી કમિશનર રાજીવ કુમારે ચૂંટણી પંચના અધિકારીઓ સાથે ચૂંટણી તૈયારીઓની સમીક્ષા કરી હતી. તમને જણાવી દઈએ કે વર્ષ 2018માં કર્ણાટક ચૂંટણીની તારીખ 27 માર્ચે જાહેર કરવામાં આવી હતી.
ગત ચૂંટણીમાં ભાજપને 104 બેઠકો મળી હતી
ગત વિધાનસભા ચૂંટણીમાં ભાજપે 104 બેઠકો જીતી હતી. જ્યારે કોંગ્રેસને 80 અને જેડીયુને 37 સીટો પર જીત મળી છે. જો કે કોઈપણ પક્ષને બહુમતી મળી નથી. આવી સ્થિતિમાં કોંગ્રેસ અને JDSએ મળીને સરકાર બનાવી છે. જેડીએસ નેતા કુમારસ્વામી ગઠબંધન સરકારમાં મુખ્યમંત્રી બન્યા હતા પરંતુ લગભગ 14 મહિના પછી કોંગ્રેસના ઘણા ધારાસભ્યોએ રાજીનામું આપી દીધું હતું અને ભાજપમાં જોડાઈ ગયા હતા. જેના કારણે કુમારસ્વામી સરકાર પડી અને ભાજપે બીએસ યેદિયુરપ્પાના નેતૃત્વમાં સરકાર બનાવી.
