Farmer Protest LIVE Updates: હરિયાણાના અનેક જીલ્લામાં ઈંટરનેટ સેવા આવતીકાલ સુધી બંધ, મેસેજ પણ નહી મોકલી શકાય

Farmer Protest LIVE Updates: ખેડૂતોની 'દિલ્લી ચલો' કૂચનો આજે બીજો દિવસ છે. વિરોધ કરી રહેલા ખેડૂતો પંજાબ-હરિયાણા શંભુ બોર્ડર પર ટ્રેક્ટર ટ્રોલી સાથે ઉભા છે. ખેડૂતો આખી રાત સરહદ પર રહ્યા. રાત્રે ખેડૂતોને વિખેરવા માટે ટીયર ગેસના શેલ પણ છોડવામાં આવ્યા હતા. હરિયાણા પોલીસનું કહેવું છે કે ખેડૂતોને કોઈપણ સંજોગોમાં રાજ્યમાં પ્રવેશ આપવામાં આવશે નહીં. દરમિયાન દિલ્હી-એનસીઆરમાં ખેડૂતોને રોકવા માટે નક્કર વ્યવસ્થા કરવામાં આવી છે. જેમ જેમ દિલ્હી પોલીસ વિરોધ કરી રહેલા ખેડૂતોને રાષ્ટ્રીય રાજધાનીમાં પ્રવેશતા રોકવાની તૈયારી કરી રહી છે, એક વરિષ્ઠ અધિકારીએ મંગળવારે સુરક્ષા કર્મચારીઓને સૂચના આપી હતી કે જો આંદોલનકારીઓ આક્રમકતા બતાવે તો તેઓએ "રક્ષણાત્મક બનવાની જરૂર નથી".

#WATCH | Delhi | Drone visuals show the security arrangements at Tikri Border, in view of the farmers' protest. pic.twitter.com/FJXyQtWbdY

— ANI (@ANI) February 14, 2024

ટિકરી બોર્ડર પર સઘન સુરક્ષા

ખેડૂતોના વિરોધને જોતા ટીકરી બોર્ડર પર સુરક્ષા વ્યવસ્થા સઘન કરવામાં આવી છે. ખેડૂતોને રોકવા માટે પોલીસે કાંટાળા તાર, કન્ટેનર સહિત અન્ય ઘણી વ્યવસ્થા કરી છે.

દિલ્હી પોલીસનું ચેકિંગ ચાલુ છે

 ખેડૂતોના વિરોધને જોતા દિલ્હી પોલીસે રાત્રે ઘણી જગ્યાએ વાહનોની તપાસ કરી હતી. રાજીન્દર નગરમાં પોલીસે ચેકિંગ કર્યા બાદ જ વાહનોને આગળ વધવા દીધા હતા.

11:45 AM, 14th Feb

અર્જુન મુંડાએ ખેડૂતોને કરી અપીલ 

 કેન્દ્રીય મંત્રી અર્જુન મુંડાએ કહ્યું છે કે ખેડૂત સંગઠનોએ જે કાયદાની વાત કરવામાં આવી રહી છે તેને સમજવો પડશે. તે કાયદા અંગેનો કોઈ નિર્ણય એવી રીતે લઈ શકાય નહીં કે લોકો ભવિષ્યમાં દરેક વ્યક્તિની પરિસ્થિતિનો વિચાર કર્યા વિના તેની ટીકા કરે. આપણે તેના તમામ પાસાઓનું ધ્યાન રાખવાનો પ્રયાસ કરવો જોઈએ. ખેડૂતોએ પણ ધ્યાન રાખવું પડશે કે તેઓ સામાન્ય જીવનને ખોરવે નહીં અને સામાન્ય જીવનને કોઈપણ રીતે ખલેલ પહોંચાડે નહીં.

શંભુ બોર્ડર પર આજે પણ તનાવ 

પંજાબ-હરિયાણા શંભુ બોર્ડર પર આજે પણ ભારે તનાવ છે. ખેડૂતોને વિખેરવા માટે પોલીસે બીજા દિવસે પણ ટીયર ગેસ છોડ્યા. શંભુ બોર્ડ પર ખેડૂતોના ટ્રેક્ટરોની લાઈન સાત કિમી સુધી છે.  

હરિયાણાના અનેક જીલ્લામાં ઈંટરનેટ સેવા આવતીકાલ સુધી બંધ 

હરિયાણા સરકારે અંબાલા, કુરુક્ષેત્ર, કૈથલ, જીંદ, હિસાર, ફતેહાબાદ અને સિરસા જિલ્લાના અધિકારક્ષેત્રમાં વૉઇસ કૉલ સિવાય મોબાઇલ નેટવર્ક પર પૂરી પાડવામાં આવતી મોબાઇલ ઇન્ટરનેટ સેવાઓ, બલ્ક એસએમએસ અને તમામ ડોંગલ સેવાઓ વગેરેને 15 ફેબ્રુઆરી સુધી સ્થગિત કરી દીધી છે.

DSP સહિત હરિયાણા પોલીસના 24 જવાન ઘાયલ 

ખેડૂતોના પ્રદર્શન વચ્ચે હિંસક ઝડપમાં અત્યાર સુધી DSP સહિત હરિયાણા પોલીસના 24 જવાન ઘાયલ થઈ ગયા છે. ઉલ્લેખનીય છે કે પંજાબ- હરિયાણા બોર્ડર પર પોલીસ અને ખેડૂતોની ઝડપ થઈ ગઈ હતી. ખેડૂતોએ પત્થરમારો કર્યો હતો તો પોલીસે ટીયરગેસ છોડ્યા હતા.  

રમખાણ નિયંત્રણ વાહનો તૈનાત

 ખેડૂતોના વિરોધને ધ્યાનમાં રાખીને દિલ્હીની સિંઘુ બોર્ડર પર આરએએફના જવાનો, પોલીસ કર્મચારીઓ અને રમખાણ નિયંત્રણ વાહનોને તૈનાત કરવામાં આવ્યા છે. આજે ખેડૂતો દિલ્હી તરફ કૂચ કરવા જઈ રહ્યા છે.

ખેડૂતોની માંગ છે કે પીએમ મોદી વાતચીત માટે આગળ આવે

 પંજાબ કિસાન મજદૂર સંઘર્ષ સમિતિના મહાસચિવ સર્વન સિંહ પંઢેરે કહ્યું કે મીડિયામાં એવા અહેવાલો છે કે MSPની ખાતરી આપતો કાયદો આટલો જલ્દી બની શકે નહીં. અમે એટલું જ કહી રહ્યા છીએ કે અમને તેના પર કાયદાકીય ગેરંટી આપવામાં આવે. જેથી અમે તે MSPથી નીચેનો પાક ન વેચીએ. તેથી કમિટીનો કોઈ પ્રશ્ન જ નથી... અમે ઈચ્છીએ છીએ કે પીએમ આગળ વધે અને ખેડૂતો સાથે વાત કરે.