Delhi Meerut Expressway પર ભયાનક માર્ગ અકસ્માત, બસ અને કાર વચ્ચે ટક્કર, 6 લોકોના મોત

road accident

Horrific road accident દિલ્હી-મેરઠ એક્સપ્રેસ વે પર એક ભયાનક માર્ગ અકસ્માત થયો છે. અહીં એક બસ અને TUV વાહન વચ્ચે અથડામણ થઈ છે, જેમાં 6 લોકોના મોત થયા છે. ડીસીપી ગ્રામ્ય ઝોને આ વાતની પુષ્ટિ કરી છે. NH 9 પર લાલકુઆંથી દિલ્હી જતી લેનમાં આ અકસ્માત થયો હતો. પોલીસ અને ડીએમઈની ટીમ બચાવ કાર્યમાં લાગેલી છે. પ્રાપ્ત માહિતી અનુસાર, આ ઘટના ક્રોસિંગ રિપબ્લિક પોલીસ સ્ટેશન વિસ્તારના રાહુલ વિહારની સામે બની હતી.

<

Accident on Delhi-Meerut expressway between a school bus and car. pic.twitter.com/zPfDVtrebb

— Avinash Tiwari (@TaviJournalist) July 11, 2023 >

અકસ્માત એટલો ભયાનક હતો કે મૃતદેહો કારમાં ખરાબ રીતે ફસાઈ ગયા હતા અને તેમને બહાર કાઢવા માટે પોલીસકર્મીઓને ભારે જહેમત ઉઠાવવી પડી હતી. અકસ્માત બાદ ઘટનાસ્થળે લોકોની ભારે ભીડ પણ જોવા મળી હતી. પ્રાપ્ત માહિતી અનુસાર, કટર વડે ગેટ કાપીને મૃતદેહને બહાર કાઢવો પડ્યો હતો. મૃતદેહોને પોસ્ટમોર્ટમ માટે મોકલી દેવામાં આવ્યા છે.

એડિશનલ ડીસીપી ટ્રાફિકે ઘટનાની સંપૂર્ણ વિગતો આપી હતી

આ દુર્ઘટના અંગે એડિશનલ ડીસીપી ટ્રાફિક રામાનંદ કુશવાહાએ જણાવ્યું કે, 'દિલ્હી-મેરઠ એક્સપ્રેસ વે પર સવારે લગભગ 6 વાગે સ્કૂલ બસ અને TUV કાર વચ્ચે ટક્કર થઈ હતી. બસ ચાલક દિલ્હી ગયો હતો અને ત્યાંથી સીએનજી ભરીને રોંગ સાઈડથી આવી રહ્યો હતો. ટીયુવીમાં બેઠેલા લોકો મેરઠથી આવી રહ્યા હતા અને ગુડગાંવ જવાનું હતું. સામ-સામે અથડામણમાં 6 લોકોના ઘટનાસ્થળે જ મોત થયા છે, 2 લોકો ગંભીર રીતે ઘાયલ છે, તેમની સારવાર ચાલી રહી છે. બસનો ડ્રાઈવર ઝડપાઈ ગયો છે. આ ઘટનામાં બધો દોષ બસ ડ્રાઈવરનો હતો, જે દિલ્હીથી CNG ભરીને રોંગ સાઈડમાં આવી રહ્યો હતો.

કુશવાહાએ કહ્યું, 'કારમાં કુલ 8 લોકો હતા. જેમાં 2 બાળકો, 2 પુરૂષ અને 2 મહિલાઓ હતા. બાકીના લોકો પણ પરિવારના જ હતા. 2 લોકો ગંભીર રીતે ઘાયલ છે, તેઓ સારવાર હેઠળ છે. બસ બાલ ભારતી સ્કૂલ નોઈડાની હતી. મામલાની તપાસ ચાલી રહી છે.'