છત્તીસગઢના રાયગઢ જિલ્લા મુખ્યાલયમાં શનિવારે બપોરે આત્માનંદ સરકારી નટવર સ્કૂલ કેમ્પસમાં બલૂન ફુલાવતી વખતે ગેસ સિલિન્ડરમાં વિસ્ફોટ થયો હતો. સિલિન્ડર ફાટતાં બલૂનિસ્ટ ખરાબ રીતે ઘાયલ થયો હતો. બ્લાસ્ટ એટલો જોરદાર હતો કે બલૂનિસ્ટનો એક પગ ઘૂંટણની નીચેથી કપાઈ ગયો હતો. ઘટના બાદ બલૂનમેનની હાલત નાજુક છે, જ્યારે તેના એક સાથીને સામાન્ય ઈજા થઈ છે. ઘાયલનું નામ સુશીલ પટેલ છે અને તે બેહરાપલી ગામનો રહેવાસી છે.
બ્લાસ્ટનો અવાજ આવતા આસપાસના લોકોને ઘટનાની જાણ થઈ હતી. જે બાદ તાત્કાલિક એમ્બ્યુલન્સ બોલાવવામાં આવી હતી અને ઘાયલોને સારવાર માટે જિલ્લા હોસ્પિટલમાં મોકલવામાં આવ્યા હતા.
જણાવવામાં આવી રહ્યું છે કે નટવર સ્કૂલ કેમ્પસમાં અગ્રસેન જયંતિનો કાર્યક્રમ ચાલી રહ્યો હતો. તેની તૈયારી માટે સમાજે ફુગ્ગાવાળાને બોલાવ્યા હતા. કાર્યક્રમ માટે બલૂનિસ્ટ ગેસ સિલિન્ડરમાંથી બલૂનમાં ગેસ ભરી રહ્યો હતો, તે દરમિયાન અચાનક સિલિન્ડર ફાટ્યો. બ્લાસ્ટની સાથે ચીસોનો અવાજ સાંભળી લોકો ઘટનાસ્થળે દોડી આવ્યા હતા. આ દરમિયાન બલૂનિસ્ટને લોહી વહી રહ્યું હતું અને તેના પગનો એક ભાગ પડી ગયો હતો. ગેસ સિલિન્ડર પણ ફાટી ગયું હતું.
