યુપીના મુરાદાબાદથી એક ચોંકાવનારા સમાચાર સામે આવ્યા છે. અહીં 200 થી વધુ દર્દીઓમાં એઇડ્સનો ચેપ જોવા મળ્યો છે. બાળકો પણ ઝડપથી HIV AIDSના ચેપની ઝપેટમાં આવી રહ્યા છે. મુરાદાબાદની ડિસ્ટ્રિક્ટ હૉસ્પિટલમાં સ્થિત એન્ટિરેટ્રોવાયરલ ટ્રીટમેન્ટ (એઆરટી) સેન્ટરમાં એઇડ્સની સારવાર શરૂ કરનારા બાળકોની સંખ્યા 200 પાર ગઈ છે. મુરાદાબાદમાં, એઇડ્સથી પીડિત બાળકોની આ સંખ્યા મેરઠ મેડિકલ કોલેજમાં સારવાર લઈ રહેલા એઇડ્સથી પીડિત બાળકો કરતાં વધુ નોંધવામાં આવી છે.
એઇડ્સના એન્ટિરેટ્રોવાયરલ ટ્રીટમેન્ટ સેન્ટરમાં દસ વર્ષથી ઓછી ઉંમરના સો કરતાં વધુ બાળકોની સારવાર કરવામાં આવી રહી છે. થોડા સમય પહેલા નવ મહિનાની બાળકી એઇડ્સથી સંક્રમિત મળી આવી હતી, જેની એઆરટી સેન્ટરમાં સારવાર ચાલી રહી છે. મુરાદાબાદમાં એઈડ્સથી પીડિત બાળકોની સંખ્યા વધુ છે જેમના માતા-પિતા આ રોગથી સંક્રમિત છે. કેટલાક બાળકો એવા છે જેમના માતા કે પિતા એઇડ્સના દર્દી છે, જ્યારે કેટલાક બાળકો એવા છે જેમના માતા-પિતા આ ગંભીર રોગનો શિકાર બન્યા નથી.
