મધ્યપ્રદેશના ઈન્દોરમાં મોડી રાત્રે એક ભયાનક માર્ગ અકસ્માતમાં આઠ લોકોના મોત થયા છે. આ અકસ્માત ઈન્દોર-અમદાવાદ નેશનલ હાઈવે પર થયો હતો. જણાવવામાં આવી રહ્યું છે કે બેટમા પાસે રતલામ પાસિંગ કાર રોડ પર પાર્ક કરાયેલા ડમ્પરમાં કાર અથડાઈ હતી. ડમ્પરમાં રેતી ભરેલી હતી.
ઘટના સ્થળે રેતી પથરાયેલી છે. આ અકસ્માતમાં એક વૃદ્ધ ઘાયલ થયો છે, જેની સારવાર ચાલી રહી છે. ઘટના બાદ પોલીસ ઘટનાસ્થળે પહોંચી હતી અને મૃતદેહોને પોસ્ટમોર્ટમ માટે મોકલી આપ્યા હતા.
મળતી માહિતી મુજબ, તમામ લોકો કારમાં બેંક ટાંડાથી ગુના જઈ રહ્યા હતા ત્યારે અકસ્માત થયો હતો. ઘટના બાદ કાર જે વાહન સાથે અથડાઈ હતી તેનો ચાલક ફરાર થઈ ગયો હતો. હાલ વરિષ્ઠ પોલીસ અધિકારીઓ અને અન્ય લોકો ઘટનાસ્થળે પહોંચી ગયા છે. મૃતક કમલેશ પાસેથી પોલીસ કાર્ડ પણ મળી આવ્યું છે, જેમાં તે શિવપુરીમાં તહેનાત છે. હાલ પોલીસે આ અંગે તપાસ કરી અજાણ્યા વાહનની શોધખોળ હાથ ધરી છે.
