રિલાયંસ જિયો ફાઈબરે લોંચ કર્યો નવો પોસ્ટપેડ પ્લાન, ઈંટરનેટ બોક્સ સાથે ઈંસ્ટૉલેશન પણ ફ્રી

15 જૂન 2021. રિલાયંસ જિયો ફાઈબર યૂઝર્સ મટે એક સાથે અનેક નવા પોસ્ટપેડ પ્લાન લઈને આવ્યા છે.  આ પ્લાન્સ દર મહિને 399 રૂપિયાથી શરૂ થશે. નવી યોજનાઓ લોંચ કરવાની સાથે સાથે કંપનીએ જાહેરાત કરી છે કે યોજના સાથે તમામ નવા યુઝર્સ ઇન્ટરનેટ બોક્સ એટલે કે રાઉટર ફ્રી મળશે. ગ્રાહકોને કોઈપણ ઇન્સ્ટોલેશન ફી ભરવાની રહેશે નહીં. કુલ મળીને ગ્રાહકોને 1500 રૂપિયા સુધીની બચત થશે. . ગ્રાહકોને  મફત ઇન્ટરનેટ બોક્સ અને ફ્રી  ઇન્સ્ટોલેશનનો લાભ ત્યારે જ મળશે જ્યારે તેઓ તેઓ ઓછામાં ઓછા 6 મહિનાનો વેલિડિટી પ્લાન ખરીદશે. તમામ યોજનાઓ 17 જૂનથી લાગુ થશે.

અપલોડ અને ડાઉનલોડ કરવાની સ્પીડ એક સમાન રહેશે. રિલાયન્સ જિયો ની નવી પોસ્ટપેડ યોજનાની એક વિશેષતા એ રહેશે કે તેને સમાન અપલોડ અને ડાઉનલોડ સ્પીડ મળશે. યુઝર્સને 399 રૂપિયાના પ્લાનમાં 30 એમબી,  699 રૂપિયાના પ્લાનમાં 100 એમબી, 999 રૂપિયાના પ્લાનમાં 150 એમબી અને 1499 રૂપિયાના પ્લાનમાં 300 એમબી અપલોડ અને ડાઉનલોડ સ્પીડ મળશે. આ ઉપરાંત 1 જીબીપીએસ સુધીના પ્લાન પણ  જિયો ફાઇબર પર ઉપલબ્ધ છે.

જિઓ ફાઇબર કનેક્શન સાથે ગ્રાહકોને 999 રૂપિયાની  ઓટીટી એપ્સ મળશે ફ્રી 

 999 રૂપિયાના પોસ્ટપેડ જિયો ફાઈબર કનેક્શન સાથે ગ્રાહકોને મફત ઓટીટી એપ્સનો ફાયદો પણ  મળશે. એમેઝોન પ્રાઈમ, ડિઝની હોટસ્ટાર, સોની લિવ, જી 5, વૂટ સિલેક્ટ, સન નેક્ટ અને હોઇચોઇ જેવી 14 લોકપ્રિય ઓટીટી એપ્સ હશે. 1499 ની યોજનામાં નેટફ્લિક્સ સહિતની તમામ 15 ઓટીટી એપ્લિકેશનો શામેલ હશે. આ એપ્સનું માર્કેટ વેલ્યુ 999 રૂપિયા છે. ઓટીટી એપ્સને શ્રેષ્ઠ રીતે ચલાવવા માટે કંપની 1000 રૂપિયાની સિક્યોરિટી ડિપોઝિટ લઈને કંપની ફ્રી 4K સેટ ટોપ બોક્સ આપશે.