SRH vs RR IPL Eliminator: રાજસ્થાને 47 રનોથી નોંઘાવી જીત, ક્વાલીફાયર 2 માં પાક્કું કર્યું પોતાનું સ્થાન

SRH vs RR IPL Eliminator:ઇન્ડિયન પ્રીમિયર લીગની 19મી સીઝનની એલિમિનેટર મેચ સનરાઇઝર્સ હૈદરાબાદ અને રાજસ્થાન રોયલ્સ વચ્ચે ન્યૂ ચંદીગઢના મુલ્લાનપુર સ્ટેડિયમ ખાતે રમાઈ હતી, જેમાં રાજસ્થાન રોયલ્સે 47 રનથી જીત મેળવી હતી અને ક્વોલિફાયર 2 માં પોતાનું સ્થાન સુરક્ષિત કર્યું હતું. આ મેચમાં ટોસ જીતીને સનરાઇઝર્સ હૈદરાબાદના કેપ્ટન પેટ કમિન્સે પ્રથમ બોલિંગ કરવાનો નિર્ણય લીધો હતો, જેમાં રાજસ્થાન રોયલ્સે 243 રન બનાવ્યા હતા. લક્ષ્યનો પીછો કરતી વખતે સનરાઇઝર્સ હૈદરાબાદ 196 રનમાં ઓલઆઉટ થઈ ગયું હતું.

આ મેચમાં રાજસ્થાન રોયલ્સે શાનદાર શરૂઆત કરી હતી, જેમાં વૈભવ સૂર્યવંશી અને યશસ્વી જયસ્વાલની ઓપનિંગ જોડીએ પ્રથમ વિકેટ માટે 125 રનની ભાગીદારી નોંધાવી હતી. વૈભવ સૂર્યવંશીની માત્ર 29 બોલમાં 97  રનની શાનદાર ઇનિંગ શાનદાર સાબિત થઈ હતી, જ્યારે યશસ્વી જયસ્વાલ નિષ્ફળ ગયા હતા અને 29  બોલમાં 29  રન બનાવીને પેવેલિયન પરત ફર્યા હતા. 137  રન પર બીજી વિકેટ ગુમાવ્યા બાદ, રાજસ્થાન રોયલ્સની ઇનિંગ ધ્રુવ જુરેલ અને રિયાન પરાગે સ્થિર કરી હતી, જેમણે ત્રીજી વિકેટ માટે 55  રનની ભાગીદારી કરી હતી. ધ્રુવ જુરેલની 50 રનની ઇનિંગમાં રાજસ્થાન રોયલ્સે ઝડપી ગતિએ વિકેટ ગુમાવી હતી. રાજસ્થાન રોયલ્સ ફક્ત 243  રન સુધી પહોંચી શક્યું હતું. સનરાઇઝર્સ હૈદરાબાદ માટે, પ્રફુલ હિંગેએ ત્રણ વિકેટ લીધી હતી, જ્યારે નીતિશ રેડ્ડી, ઇશાન મલિંગા અને શિવંગ કુમારે એક-એક વિકેટ લીધી હતી.

સનરાઇઝર્સ હૈદરાબાદની શરૂઆત સારી રહી ન હતી, તેમણે અભિષેક શર્માના બોલ પર પહેલી વિકેટ શૂન્ય રન પર ગુમાવી દીધી હતી. ત્યારબાદ બેટિંગ કરવા આવેલા ઇશાન કિશનએ ઝડપથી સ્કોર બનાવવાનું શરૂ કર્યું, પરંતુ તે પણ 11 બોલમાં 33 રન બનાવીને આઉટ થયો. ટ્રેવિસ હેડ 8 બોલમાં ફક્ત 17 રન જ બનાવી શક્યો. પ્રથમ છ ઓવરના અંતે, સનરાઇઝર્સ હૈદરાબાદનો સ્કોર 71 રન હતો પરંતુ તેણે ચાર મહત્વપૂર્ણ વિકેટ ગુમાવી દીધી હતી.

નીતિશ કુમાર રેડ્ડી અને સલિલ અરોરાએ છઠ્ઠી વિકેટ માટે 56 રનની ભાગીદારી સાથે પોતાની ટીમને રમતમાં પાછી લાવવાનો શ્રેષ્ઠ પ્રયાસ કર્યો, પરંતુ નીતિશ 38 રનમાં આઉટ થતાં હૈદરાબાદનો પરાજય થયો. સનરાઇઝર્સ હૈદરાબાદ ફક્ત 196 રન જ બનાવી શક્યું અને 47 રનથી હારી ગયું. રાજસ્થાન રોયલ્સ માટે, જોફ્રા આર્ચરે 3 વિકેટ લીધી, જ્યારે નંદ્રે બર્ગર, સુશાંત મિશ્રા અને રવિન્દ્ર જાડેજાએ 2-2 વિકેટ અને યશ રાજ પુંજાએ 1 વિકેટ લીધી.