નવરાત્રી માટે ખસ્તા મોરિયાની કચોરી

પૂરણ માટે 150 ગ્રામ મોરિયો (સામા), 3 બટાટા, રાજગરાનો લોટ 50 ગ્રામ, સિંધાડાનો લોટ 50 ગ્રામ, કાળી મરી, લવિંગ, 1 ટીસ્પૂન જીરું, 1/2 ટીસ્પૂન આદુની પેસ્ટ, 1/2 ટીસ્પૂન લીલા મરચાંની પેસ્ટ, 1 ટીસ્પૂન લાલ મરચાંનો પાવડર, 1 ટીસ્પૂન ગરમ મસાલો, સ્વાદ અનુસાર મીઠું, તળવા માટે તેલ પાણી જરૂર પ્રમાણે

ગાર્નિશ કરવા માટે: 2 કપ દહીં લીલી ચટણી ખાટી-મીઠી ચટણી 

રીત:

કણક

- રાજગરા અને સિંઘાડાના લોટમાં મીઠુ અને એક ચમચી તેલ નાખી બધી જ સામગ્રીને મિક્સ કરો અને થોડા પાણી સાથે કઠણ કણક બાંધો.

- 5-7 મિનીટ સુધી બરાબર ગૂંથો.

- કણકમાંથી 12 એકસમાન લુઆ વાળો અને તેને કોટનના કપડામાં વિંટાળીને રાખી દો.

પૂરણ 

- મોરિયાના સાફ કરીને 2 કલાક સુધી પલાળી નાખો. પછી તેમે મિક્સરમાં ઝીણુ વાટી લો. 

- બટાટાને મેશ કરી લો. 

- એક પેનમાં તેલ ગરમ કરો. તેમાં જીરુ અને લીલા મરચા અને આદુની પેસ્ટ ઉમેરો.

- ત્યારબાદ તેમાં મોરિયાની પેસ્ટ અને બધા મસાલા નાંખીને થોડી ક્ષણ માટે હલાવીને થવા દો.

- તેમાં લીલા મરચાંની પેસ્ટ, આદુની પેસ્ટ, ગરમ મસાલો, લાલ મરચાંનો પાવડર, આમચુર અને મીઠું ઉમેરો.

- બધી સામગ્રીને મિક્સ કરો અને 5-7 મિનીટ સુધી સતત હલાવતા રહો.

- આ મિશ્રણને 12 સરખા ભાગમાં વહેંચી દો અને બાજુમાં રાખી દો.

કચોરી

- દરેક લુઆને હાથથી દબાવીને 2 ઈંચની નાની રોટલી જેવુ બનાવો.

- પૂરણના 12 ભાગમાંથી 1 ભાગને તેમાં વચ્ચોવચ્ચ મૂકો.

- પૂરણને પેક કરવા માટે રોટલીના બધા છેડા ભેગા કરીને વચ્ચેના ભાગમાં દબાવી દો.

- આ છેડાને બરાબર બંધ કરો જેથી તળતી વખતે કચોરી ફૂટી ન જાય. વધારાનો કણક કાઢી શકો છો.

હવે બધી કચોરીને તળી લો 

ત્યારબાદ તેને દહીં અને લીલી ચટણી સાથે સર્વ કરો.