અમેરિકાના રાષ્ટ્રપતિ ડોનાલ્ડ ટ્રમ્પે વોશિંગ્ટન ડીસીમાં એક કાર્યક્રમમાં કહ્યું કે અમેરિકા દવાઓ પર પણ ટેરિફ લાદવા જઈ રહ્યું છે.
તેમણે કહ્યું, "અમારે જરૂરી પગલું ભરવું પડશે. જ્યારે અમે દવાઓ પર પણ ટેરિફ લગાવીશું, ત્યારે વિદેશી કંપનીઓ દવાઓ બનાવવા માટે અમેરિકા પરત આવશે. કારણ કે, અમેરિકા દવાનું સૌથી મોટું બજાર છે."
ટ્રમ્પે દાવો કર્યો હતો કે આનાથી ફાર્માસ્યુટિકલ કંપનીઓ પર દબાણ વધશે જેથી તેઓ ચીન જેવા દેશોમાં પોતાનો બિઝનેસ વધારી શકે. ઉદ્યોગપતિઓ અમેરિકામાં ફેક્ટરીઓ સ્થાપશે જેથી તેઓ અમેરિકામાં દવાઓ વેચી શકે.
અગાઉ જ્યારે ટ્રમ્પે પારસ્પરિક ટેરિફ લાદ્યો હતો ત્યારે દવાઓ પર છૂટ આપવામાં આવી હતી પરંતુ ટ્રમ્પે પહેલેથી જ કહ્યું છે કે તેઓ દવાઓ પર અલગ ટેરિફ લાદશે. આ નિર્ણયની ભારતની ફાર્માસ્યુટિકલ કંપનીઓ પર મોટી અસર પડી શકે છે.
