ન્યૂઝ એજન્સી 'એએએફપી' અનુસાર પાકિસ્તાની સુરક્ષા દળોનું કહેવું છે કે તેમણે 27 બલૂચી વિદ્રોહીઓને મારી નાખ્યા છે અને 155 બંધકોને સુરક્ષિત રીતે મુક્ત કર્યા છે. સુરક્ષા દળોનું ઓપરેશન હજુ પણ ચાલુ છે.
સેનાએ 104 મુસાફરોને બચાવ્યા
પાકિસ્તાનના બલૂચિસ્તાનમાં હાઇજેક કરાયેલી ટ્રેનમાંથી સેનાએ 104 મુસાફરોને બચાવ્યા છે. આ સિવાય 16 આતંકીઓ માર્યા ગયા છે. હજુ ઓપરેશન ચાલુ છે.
મહિલાઓ અને બાળકોને મુક્ત કરવામાં આવ્યા હતા
બલૂચ વિદ્રોહીઓએ મુસાફરોથી ભરેલી પાકિસ્તાની ટ્રેન જાફરા એક્સપ્રેસને હાઇજેક કરી હતી. હવે રેસ્ક્યુ ઓપરેશનમાં મહિલાઓ અને બાળકોને બહાર કાઢવામાં આવી રહ્યા છે. આનો એક વીડિયો સામે આવ્યો છે જેમાં તમે જોઈ શકો છો કે પહાડી વિસ્તારમાં નાના બાળકો અને મહિલાઓ જોવા મળી રહી છે. તમામ મહિલાઓ હિજાબ પહેરે છે, પરંતુ તેમના હાવભાવ દર્શાવે છે કે તેઓ કેટલી વ્યથિત છે.
બ્લાસ્ટ દ્વારા ટ્રેન હાઇજેક કરવામાં આવી હતી
બલૂચ બળવાખોરોએ પાકિસ્તાની ટ્રેનને હાઈજેક કરતા પહેલા તેને ટ્રેક પર વિસ્ફોટ કરીને તેનો નાશ કર્યો હતો. આ પછી તેણે ટ્રેનને પાટા પરથી ઉતારી દીધી અને તમામ મુસાફરોને બંધક બનાવી લીધા.
