વર્લ્ડ હેલ્થ ઓર્ગેનાઈઝેશનની સલાહકાર સમિતિએ દક્ષિણ આફ્રિકામાં પ્રથમ વખત દેખાતા કોરોના વાયરસના નવા પ્રકારને 'ખૂબ જ ઝડપથી ફેલાતો ચિંતાજનક વેરિએન્ટ ગણાવ્યો છે અને તેને ગ્રીક મૂળાક્ષરો હેઠળ 'ઓમિક્રોન' નામ આપ્યું છે. સંયુક્ત રાષ્ટ્ર સ્વાસ્થ્ય એજન્સી દ્વારા શુક્રવારે કરવામાં આવેલી આ જાહેરાત નવા પ્રકારના વાયરસની શ્રેણીમાં છેલ્લા કેટલાક મહિનામાં પ્રથમ છે. આ કેટેગરીમાં, કોરોના વાયરસના ડેલ્ટા વેરિઅન્ટને પણ મૂકવામાં આવ્યું હતું, જે વિશ્વભરમાં ફેલાઈ ગયો હતો અને ભારતમાં બીજા લહેર માટે જવાબદાર હતો
WHOએ કોરોના વાઈરસ ઈવોલ્યુશન પર ટેકનિકલ એડવાઈઝરી ગ્રૂપની ઈમરજન્સી મીટિંગ બાદ બહાર પાડવામાં આવેલા નિવેદનમાં, કહ્યું, "કોવિડ 19 મહામારી સાયસન્સમાં હાનિકારક ફેરફાર દર્શાવતા રજૂ કરાયેલા પુરાવાના આધારે, ટીએજી વીઈ એ ડબલ્યુ એચ ઓને સલાહ આપી કે આ પ્રકારને ચિંતા ના પ્રકાર(VOC)ના રૂપમા નામિત કરવુ જોઈએ અને ડબલ્યુ એચ ઓએ B.1.1529ને આ રૂપમા નામાકન કર્યું છે. આ VOCનું નામ ઓમિક્રોન' છે.
વર્તમાન RS-CoV-2 PCR ડાયગ્નોસ્ટિક ટૂલ આ નવા પ્રકારના કોરોનાને શોધવામાં સક્ષમ છે. "કેટલીક પ્રયોગશાળાઓએ સૂચવ્યું છે કે વ્યાપકપણે ઉપયોગમાં લેવાતા પીસીઆર પરીક્ષણ માટે, ત્રણ લક્ષ્યોમાંથી એક શોધાયેલ નથી (આને એસ જીન ડ્રોપઆઉટ અથવા એસ જીન લક્ષ્ય નિષ્ફળતા કહેવામાં આવે છે) અને તેથી આ પરીક્ષણનો આ પ્રકાર માટે માર્કર તરીકે ઉપયોગ કરી શકાય છે.
આ દેશોએ મુસાફરી પર લાદ્યો પ્રતિબંધ
દક્ષિણ આફ્રિકામાં મળી આવેલા કોરોનાના નવા પ્રકારને લઈને આખી દુનિયા એલર્ટ થઈ ગઈ છે. કેટલાક દેશોએ દક્ષિણ આફ્રિકાથી મુસાફરોની અવરજવર પર પ્રતિબંધ મૂક્યો છે. કોવિડ-19ના પ્રકારને કારણે યુએસએ સોમવારથી દક્ષિણ આફ્રિકા અને અન્ય સાત આફ્રિકન દેશોના બિન-યુએસ નાગરિકોની મુસાફરી પર પ્રતિબંધની જાહેરાત કરી છે. કેનેડાએ પણ જાહેરાત કરી હતી કે તેણે વિદેશી પ્રવાસીઓના પ્રવેશ પર પ્રતિબંધ મૂક્યો છે. સરકારના મંત્રીઓએ એમ પણ કહ્યું કે છેલ્લા 14 દિવસમાં આફ્રિકાના દક્ષિણ ભાગમાં પ્રવાસ કરનારા તમામ કેનેડિયન નાગરિકોની પણ તપાસ કરવાની રહેશે. છેલ્લા 14 દિવસમાં કેનેડા આવતા લોકોને પણ આઈસોલેશનમાં રહેવા અને કોવિડ ચેપ માટે ટેસ્ટ કરાવવા માટે કહેવામાં આવ્યું છે.
