Publish Date: Sun, 08 Dec 2024 (16:03 IST)
Updated Date: Sun, 08 Dec 2024 (16:08 IST)
કેનેડામાં એક ભારતીય વિદ્યાર્થીની ગોળી મારીને હત્યા કરવામાં આવી છે. 20 વર્ષીય ભારતીય વિદ્યાર્થીનું નામ હર્ષદીપ સિંહ છે. હર્ષદીપને શુક્રવારે કેનેડાના એડમોન્ટનમાં તેના એપાર્ટમેન્ટમાં ગોળી મારી દેવામાં આવી હતી. આ સમગ્ર ઘટના સીસીટીવી કેમેરામાં કેદ થઈ ગઈ છે. પોલીસે 2 શકમંદોની અટકાયત કરી છે. આ હત્યાકાંડથી સમગ્ર વિસ્તારમાં ખળભળાટ મચી ગયો છે.
હર્ષદીપ સિક્યોરિટી ગાર્ડ હતો
મીડિયા રિપોર્ટ્સ અનુસાર, આ ઘટના શુક્રવારે રાત્રે 12.30 વાગ્યે બની હતી. અભ્યાસની સાથે હર્ષદીપ સિક્યોરિટી ગાર્ડ તરીકે કામ કરતો હતો. પરંતુ શુક્રવારે તેની હત્યા કરવામાં આવી હતી. પોલીસનું કહેવું છે કે શનિવારે બે શકમંદોની અટકાયત કરવામાં આવી છે. બંનેની ઉંમર 30 વર્ષની આસપાસ છે. બંને પર ફર્સ્ટ ડિગ્રી મર્ડરનો આરોપ છે.
તબીબોએ તેને મૃત જાહેર કર્યો હતો
પોલીસે જણાવ્યું કે 107 એવન્યુ વિસ્તારમાંથી કોલ આવ્યો હતો કે એપાર્ટમેન્ટમાં ગોળીબાર થયો છે. પોલીસ તાત્કાલિક ઘટનાસ્થળે પહોંચી ત્યારે હર્ષદીપની લાશ ત્યાંથી મળી આવી હતી. હર્ષદીપનું મૃત્યુ થયું હતું. તેને હોસ્પિટલ લઈ જવામાં આવ્યો, જ્યાં ડોક્ટરોએ પણ તેને મૃત જાહેર કર્યો.
