PUBG અને LUDO સહિત 118 ઍપ્સ પર ભારતે પ્રતિબંધ કેમ મૂક્યો?

સમાચાર એજન્સી એએનઆઈ દ્વારા મળેલી માહિતી અનુસાર ઇન્ફૉર્મેશન અને ટેક્નૉલૉજી મંત્રાલયે PUBG સહિત 118 મોબાઇલ ઍપ્લિકેશન પર પ્રતિબંધ મૂક્યો છે. ઉલ્લેખનીય છે કે સરકાર દ્વારા આ ઍપ્સને ચાઇનીઝ ઍપ્સ નથી ગણાવવામાં આવી.

ભારત સરકારનું કહેવું છે કે દેશની સુરક્ષા, સાર્વભૌમત્વ અને અખંડિતતા, ભારતીય સંરક્ષણ, માટે જોખમ હોવાથી આ ઍપ્સ પર પ્રતિબંધ લાદવામાં આવ્યો છે.

ભારત સરકારે અગાઉ આ જ વર્ષે જૂન મહિનામાં ચીન સાથે જોડાયેલી 59 ઍપ્સ પર પ્રતિબંધ લાદ્યો હતો, જેમાં ટિકટૉક ઍપ પણ સામેલ હતી.

ચીનની 118 ઍપ્સને પ્રતિબંધિત કરવાનો નિર્ણય એવા સમયે લેવામાં આવ્યો છે, જ્યારે ભારત અને ચીનની વચ્ચે એક વખત ફરીથી લદ્દાખમાં એલએસી પર તણાવના સમાચાર આવી રહ્યા છે.

ભારતે ચીન પર આરોપ મૂક્યો છે કે ગલવાન ઘાટીમાં થયેલા સંઘર્ષ પછી તણાવને દૂર કરવા માટે જે પ્રયાસો કરવામાં આવ્યા તેની વચ્ચે ચીને એક વખત ફરીથી એલએસીનું ઉલ્લંઘન કરવાનો પ્રયત્ન કર્યો છે, જેને નાકામયાબ કરી દેવામાં આવ્યો.

ભારતના વિદેશમંત્રાલયના પ્રવક્તા અનુરાગ શ્રીવાસ્તવે મંગળવારે કહ્યું કે ચીને 29 અને 30 ઑગસ્ટની રાતે પેંગોંગ લૅકના સાઉથ બૅંક વિસ્તારમાં ભડકાવનારી સૈન્યપ્રવૃતિ કરીને યથાસ્થિતિને તોડવાનો પ્રયત્ન કર્યો હતો અને તેના બીજા દિવસે પણ આવી કાર્યવાહીને કામયાબ કરવામાં આવી.

જોકે ચીને આના નકારી કાઢતાં મંગળવારે ભારતને કહ્યું કે તે ઉકસાવનારી હરકતો બંધ કરે અને પોતાના તે સૈનિકોને પરત બોલાવે જેમણે ખોટી રીતે વાસ્તવિક નિયંત્રણ રેખા અથવા એલએસીનું અતિક્રમણ કર્યું છે.

કઈ-કઈ ઍપ્સ પર મુકાયો પ્રતિબંધ

PUBG મોબાઇલ

PUBG મોબાઇલ લાઇટ

રાઇસ ઑફ કિંગ્ડમ

આર્ટ ઑફ કન્ક્વૅસ્ટ

ડૅંક ટૅન્ક્સ

વૉરપાથ

ગેમ ઑફ સુલ્તાન્સ

ગૅલેરી વૉલ્ટ

સ્માર્ટ ઍપલૉક

મૅસેજ લૉક

હાઇડ ઍપ

ઍપલૉક

ઍપલૉક લાઇટ

ડ્યુઅલ સ્પેસ

લુડો ઑલસ્ટાર

ઝેડ કૅમેરા

યુ-ડિક્ષનરી

મોબાઇલ લિજન્ડસ - પૉકેટ

વીપીએન ફૉર ટિકટૉક

બ્યુટી કૅમેરા પ્લસ

રુલ્સ ઑફ સર્વાઇવલ

APUS લૉન્ચર પ્રો

APUS લૉન્ચર

APUS સિક્યૉરિટી

APUS ટર્બો ક્લિનર 2020

APUS ફ્લૅશલાઇટ

Cut Cut

Baidu

Baidu ઍક્સપ્રેસ

ફેસ યૂ

શૅરસેવ બાય શાઓમી

કૅમકાર્ડ

કૅમકાર્ડ બિઝનેસ

કૅમકાર્ડ ફૉર સેલ્સફૉર્સ

કૅમ ઓસીઆર

ઇનનોટ

VooV મિટિંગ

સુપર ક્લીન

વીચેટ રિડિંગ

ગવર્મૅન્ટ વીચેટ

સ્મોલ ક્યૂ બ્રશ

ટૅન્સન્ટ વ્યૂન

Pitu

વીચેટ વર્ક

સાયબર હન્ટર

સાયબર હન્ટર લાઇટ

નાઇવ્સ આઉટ

સુપર મેકા ચૅમ્પિયન્સ

લાઇફ આફ્ટર

ડૉન ઑફ આઇલ્સ

લુડો વર્લ્ડ-લુડો સુપરસ્ટાર

ચેસ રશ