રિઝર્વ બેંકે કાર, ઘર કે પર્સનલ લોનના મોટા હપ્તાનો માર સહન કરી રહેલા મઘ્યમ વર્ગને એક મોટી ભેટ મળી છે. આરબીઆઈએ રેપો રેટમાં 0.25 ટકા ઘટાડો કર્યો છે. જેનાથી હોમ લોન, ઓટો લોન અને પર્સનલ લોનના હપ્તામાં કમી થશે. RBI ગવર્નર સંજય મલ્હોત્રાએ 5 ડિસેમ્બરે ત્રણ દિવસની નાણાકીય સમીક્ષા બેઠક બાદ આ જાહેરાત કરી હતી. RBIના આ પગલાથી તમારા EMIમાં કેટલો ઘટાડો થશે તે સમજાવીએ. અંદાજ મુજબ, જો તમારી પાસે 20 લાખ રૂપિયાની 20 વર્ષની લોન હોય, તો EMIમાં 310 રૂપિયાનો ઘટાડો થઈ શકે છે. દરમિયાન, 30 લાખ રૂપિયાની લોન પર માસિક હપ્તામાં 465 રૂપિયાનો ઘટાડો થશે. આનાથી ફ્લોટિંગ રેટ લોન ધરાવતા ગ્રાહકો અને નવા ઉધાર લેનારા બંનેને ફાયદો થશે.

લોનની રકમ	મુદત	લોન દર	EMI	કુલ વ્યાજ	વ્યાજ સહિત કુલ રકમ
20 લાખ	20 વર્ષ	8 ટકા	16730	2015 લાખ	રૂ. 40.15 લાખ
20 લાખ	20 વર્ષ	7.ह ટકા	16420	19.40 લાખ	રૂ. 39.40 લાખ
કેટલો લાભ	૨૦ વર્ષ	--	રૂ. 310	રૂ 74,૦૦૦	રૂ. 74,૦૦૦

રેપો રેટ શું છે?

રિઝર્વ બેંક બેંકોને જે વ્યાજ દરે લોન આપે છે તેને રેપો રેટ કહેવામાં આવે છે. જ્યારે રેપો રેટ ઘટે છે, ત્યારે બેંકો સસ્તી લોન મેળવે છે. ત્યારબાદ બેંકો ગ્રાહકોને તેમના ખર્ચ અને અન્ય પરિબળોને ધ્યાનમાં રાખીને તેમના લોન દર ઘટાડે છે, જેના કારણે EMIમાં ઘટાડો થાય છે.

આ વર્ષે RBI એ વ્યાજ દરમાં 125 બેસિસ પોઈન્ટનો ઘટાડો કર્યો હતો. જોકે, બેંકોએ તેનો સંપૂર્ણ લાભ ગ્રાહકોને આપ્યો નથી. બેંકો MCLR ના આધારે વ્યાજ દરમાં ઘટાડો કરવાનો નિર્ણય લે છે. આ વખતે બેંકો વ્યાજ દરમાં કેટલો ઘટાડો કરશે તે જોવાનું બાકી છે. ફુગાવામાં ઘટાડાને જોતાં, રિઝર્વ બેંકનો વ્યાજ દર ઘટાડવાનો માર્ગ સરળ બને છે.