સપ્તાહના પહેલા દિવસે ભારતીય શેર બજારમાં જબરદસ્ત કડાકો જોવા મળ્યો છે. વૈશ્વિક સ્તરે કોરોના વાયરસની અસરે હાલ પણ ભયનો માહોલ છે. કોરોના વાયરસની અસર વૈશ્વિક બજારો પર જોવા મળી રહી છે. જેના કારણે ભારતીય શેર બજાર પણ રેકોર્ડ કડાકા સાથે ખુલ્યા છે.
સેન્સેક્સમાં નીચેનો વલણ સોમવારે પણ ચાલુ છે. સેન્સેક્સ 1463.76 પોઇન્ટ ઘટીને 36,112.86 પોઇન્ટ પર છે. તે લગભગ 3.90% ની નીચે છે. નિફ્ટી 409.45 પોઇન્ટથી નીચે 10,580 પોઇન્ટ પર આવી ગયો છે. અગાઉ સેન્સેક્સ શરૂઆતમાં કારોબારમાં 1152.35 પોઇન્ટની સપાટીએ ખુલ્યો હતો. સેન્સેક્સ 3.0.77% ની આસપાસ હતો. માર્કેટ 36,424.27 પોઇન્ટ પર પહોંચી ગયું છે. યસ બેન્કના શેરમાં તેજી જોવા મળી રહી છે. બેંકના શેર 19.14% વધીને 19.30 રૂપિયા પર ટ્રેડ કરી રહ્યા છે. એ જ રીતે, નિફ્ટી 326.50 પોઇન્ટ ઘટીને 10,662.95 પોઇન્ટ પર હતો. નિફ્ટી પર ઓએનજીસી, વેદાંત, રિલાયન્સ, ઈન્ડસઇન્ડમાં ઘટાડો જોવા મળી રહ્યો છે, જ્યારે યસ બેંક, બીપીસીએલ, એશિયન પેઇન્ટ્સ, આઇઓસીમાં વધારો જોવા મળી રહ્યો છે.
અન્ય સેક્ટર્સની વાત કરીએ તો બીએસઈ પર ઓટો ઈન્ડેક્સ 3.41 ટકા, મેટલ ઈન્ડેક્સ 6 ટકા, આઈટી ઈન્ડેક્સ 4.03 ટકા અને રિયલિટી 2.78 ટકાના ઘટાડા સાથે ટ્રેડ કરી રહ્યા છે. બજાર વિશ્લેષકો મુજબ માર્કેટમાં કડાકાના મુખ્ય કારણોમાં કોરોના વાયરસ સિવાય યસ બેંકનો મુદ્દો અને ક્રૂડના ભાવ પણ છે. મીડિયા રિપોર્ટ મુજબ વૈશ્વિક બજારોમાં કાચા તેલના ભાવમાં સોમવારે 21 ટકા સુધીનો કડાકો જોવા મળ્યો છે
