Publish Date: Sun, 01 Sep 2024 (10:04 IST)
Updated Date: Sun, 01 Sep 2024 (10:07 IST)
સપ્ટેમ્બર મહિનાના પહેલા દિવસે એટલે કે 1લી સપ્ટેમ્બરે મોંઘવારીનો આંચકો લાગ્યો છે. એલપીજી સિલિન્ડરના ભાવમાં વધારો થયો છે. ઓઈલ માર્કેટિંગ કંપનીઓએ સિલિન્ડરના ભાવમાં ફેરફાર કર્યો છે. જોકે આ વધારો કોમર્શિયલ ગેસ સિલિન્ડરમાં થયો છે. ઘરેલુ એલપીજી સિલિન્ડરની કિંમતમાં કોઈ ફેરફાર કરવામાં આવ્યો નથી.
ઈન્ડિયન ઓઈલ કંપની (IOCL)ની વેબસાઈટ અનુસાર, કોમર્શિયલ સિલિન્ડરની કિંમતમાં વધારો આજથી અમલમાં આવી ગયો છે. કોમર્શિયલ સિલિન્ડરના ભાવમાં 39 રૂપિયાનો વધારો કરવામાં આવ્યો છે. આ સાથે દિલ્હીમાં કોમર્શિયલ એલપીજી સિલિન્ડરની કિંમત વધીને 1691.50 રૂપિયા થઈ ગઈ છે, જે પહેલા 1652.50 રૂપિયા હતી.
