રેલ્વે મુસાફરો માટે એક સારા સમાચાર છે. રેલ્વે મંત્રાલયે આગામી તહેવારોમાં મુસાફરોનો ધસારો ઓછો કરવા અને મુસાફરીને સરળ બનાવવા માટે એક નવી પ્રાયોગિક "રાઉન્ડ ટ્રીપ પેકેજ ફોર ફેસ્ટિવ રશ" યોજનાની જાહેરાત કરી છે. મનીકંટ્રોલના સમાચાર મુજબ, 8 ઓગસ્ટ 2025 ના રોજ રેલ્વે બોર્ડ દ્વારા જારી કરાયેલા પરિપત્ર અનુસાર, આ યોજના હેઠળ, જો મુસાફર એક જ વર્ગ, એક જ મૂળ સ્થાન (જ્યાંથી મુસાફરી શરૂ થવાની છે) અને ગંતવ્ય સ્થાન (જ્યાં જવાનું છે) માટે બંને માર્ગો માટે કન્ફર્મ ટિકિટ બુક કરાવે છે, તો તેને પરત મુસાફરીના મૂળ ભાડા પર 20% ડિસ્કાઉન્ટ મળશે.
14 ઓગસ્ટથી કરી શકશો બુકિંગ
સમાચાર મુજબ, "રાઉન્ડ ટ્રીપ પેકેજ ફોર ફેસ્ટિવ રશ" યોજના હેઠળ, આવી ટ્રેન ટિકિટનું બુકિંગ 14 ઓગસ્ટ 2025 થી શરૂ થશે, જેમાં મુસાફરી 13 ઓક્ટોબરથી 26 ઓક્ટોબર 2025 ની વચ્ચે હોવી જોઈએ. રીટર્ન યાત્રા 17 નવેમ્બરથી 1 ડિસેમ્બર 2025 ની વચ્ચે "કનેક્ટિંગ જર્ની" સુવિધા દ્વારા બુક કરાવવાની રહેશે. રીટર્ન ટિકિટ બુકિંગ પર એડવાન્સ રિઝર્વેશન સમયગાળો લાગુ પડશે નહીં. આ યોજના તમામ વર્ગો અને ટ્રેનો પર લાગુ થશે, સિવાય કે તે ટ્રેનો જેમાં ફ્લેક્સી-ફેર સિસ્ટમ લાગુ હોય, અને તે ફક્ત કન્ફર્મ ટિકિટો માટે જ માન્ય રહેશે.
ટિકિટ પર ડિસ્કાઉન્ટ મેળવવા માટે, મુસાફરે પહેલા આગળની ટિકિટ બુક કરાવવી પડશે અને પછી તે જ વર્ગ અને ઓ-ડી જોડી માટે કનેક્ટિંગ જર્ની સુવિધા સાથે રીટર્ન ટિકિટ બુક કરાવવી પડશે. આ સુવિધા ઓનલાઈન અને કાઉન્ટર દ્વારા બંને ઉપલબ્ધ છે. એક વાત ધ્યાનમાં રાખવા જેવી છે કે, આ યોજના હેઠળ બુક કરાયેલી ટિકિટોમાં કોઈ રિફંડ, કરેક્શન અથવા અન્ય ડિસ્કાઉન્ટ આપવામાં આવશે નહીં.
રેલ્વે સ્ટેશનોનો કરી રહી છે પુનઃવિકાસ
અમૃત ભારત યોજના હેઠળ, દેશભરમાં 1,300 રેલ્વે સ્ટેશનોનો પુનઃવિકાસ કરવામાં આવી રહ્યો છે, જેમાંથી 104 પર કામ પૂર્ણ થઈ ગયું છે. આ યોજનાનો ઉદ્દેશ્ય રેલ્વે નેટવર્કમાં સ્ટેશનોને સુધારવા અને આધુનિક બનાવવાનો અને મુસાફરોને વધુ સારી સુવિધાઓ પૂરી પાડવાનો છે. પ્રધાનમંત્રી નરેન્દ્ર મોદીએ 2023 માં સ્ટેશન પુનઃવિકાસ યોજનાનો શિલાન્યાસ કર્યો હતો. જે 1,300 સ્ટેશનોમાં પુનઃવિકાસનું કામ પૂર્ણ થવાનું છે, તેમાંથી 132 મહારાષ્ટ્રમાં સ્થિત છે.
