મહારાષ્ટ્રના છત્રપતિ સંભાજીનગર એક દર્દનાક ઘટના પ્રકાશમાં આવી છે. અહીં પતિના ત્રાસથી પરેશાન 26 વર્ષની નવપરિણીત તબીબ, આત્મહત્યા કરી લીધી. આ અંગેની માહિતી મળતાં પોલીસે ઘટનાસ્થળે પહોંચી તપાસ હાથ ધરી હતી.
પોલીસે મૃતદેહને પોતાના કબજામાં લઈ કેસની તપાસ શરૂ કરી છે.
એજન્સી અનુસાર, એક પોલીસ અધિકારીએ જણાવ્યું કે 26 વર્ષીય ડોક્ટર પ્રતિક્ષા ભુસારેના લગ્ન પાંચ મહિના પહેલા થયા હતા. પ્રતિક્ષા છત્રપતિ સંભાજીનગરની ખાનગી હોસ્પિટલમાં મેડિકલ ઓફિસર હતી.
પ્રતિક્ષાએ રવિવારે પોતાના ઘરમાં પંખા સાથે લટકીને આત્મહત્યા કરી લીધી હતી. પોલીસે જણાવ્યું કે પ્રતિક્ષાએ તેના પતિ પર ઉત્પીડનનો આરોપ લગાવતી સાત પાનાની નોટ છોડી છે. આ બનાવની નોંધમાં
પતિને જવાબદાર ઠેરવવામાં આવ્યો છે.
ડૉ.પ્રતિક્ષાના લગ્ન આ વર્ષે 27 માર્ચે થયા હતા. મહિલા તબીબના પિતાએ આરોપ લગાવ્યો છે કે પુત્રીના લગ્ન બાદ તેનો પતિ તેના પર દહેજ માટે સતત દબાણ કરી રહ્યો હતો. તે રશિયાથી છે તેણે એમબીબીએસ કર્યું છે, તે પોતાની હોસ્પિટલ ખોલવા માંગતો હતો, આ માટે તે તેને પૈસા માટે હેરાન કરતો હતો.
