Publish Date: Thu, 05 Mar 2026 (12:45 IST)
Updated Date: Thu, 05 Mar 2026 (12:55 IST)
નાગપુરમા એક વૃદ્ધ મહિલાએ પોતાના જ 4 વર્ષના માસુમ પૌત્ર પર માત્ર એ કારણે ગરમ પાણી નાખી દીધુ, કારણ કે બાળકે રમત-રમતમાં તેના પર રંગ નાખી દીધો હતો. આ અમાનવીય કૃત્યનો સીસીટીવી (CCTV) ફુટેજ સોશિયલ મીડિયા પર હવે વાયરલ થઈ રહ્યો છે. મામલો નાગપુર જીલ્લાના કોરાડી વિસ્તારનો છે.
રમત રમતમાં બની ખતરનાક ઘટના
મળતી માહિતી મુજબ 4 વર્ષીય માસૂમ ઓમ હરીશ વાંગે ઘરની બહાર પોતાની પિચકારીથી હોળી રમી રહ્યો હતો. આ દરમિયાન તેની નાની, સિંધૂ ઠાકરે હોળીની લાકડીઓ પર ગરમ કરેલુ પાણી ડોલ ભરીને લઈ જઈ રહી હતી. માસૂમ ઓમ એ પોતાની પિચકારીથી નાની પર થોડો રંગ નાખી દીધો.
રંગ નાખતા જ નાની એટલી આગબબૂલા થઈ ગઈ કે તેણે પોતાનો ગુસ્સા પરનો કંટ્રોલ ગુમાવી દીધો અને હાથમાં પકડેલી ઉકળતા પાણીની ડોલ માસુમ બાળક પર ઉથેલી દીધી.
માસૂમ બાળક 45% દાઝી ગયુ
ઉકળતું પાણી તેના શરીર પર પડતાની સાથે જ ઓમ ચીસો પાડવા લાગ્યો અને પીડાથી કણસવા લાગ્યો. અવાજ સાંભળીને નજીકના લોકો ઘટનાસ્થળે દોડી આવ્યા અને તરત જ તેના પર ઠંડુ પાણી રેડ્યું, પરંતુ ત્યાં સુધીમાં બાળકનું શરીર ગંભીર રીતે દાઝી ગયું હતું. બાળકને તાત્કાલિક ખાનગી હોસ્પિટલમાં દાખલ કરવામાં આવ્યું. ડોકટરોના જણાવ્યા મુજબ, બાળક લગભગ 45% બળી ગયું હતું અને તેની હાલત ગંભીર છે. બાળકના પિતા WCLમાં કામ કરે છે.
