ગળા પર કપાયેલા નિશાન, મોઢામાંથી ફીણ નીકળ્યું, હોટલમાંથી કપલની લાશ મળી

Bawana Crime:દિલ્હીના બવાનામાંથી એક ચોંકાવનારો કિસ્સો સામે આવ્યો છે. બવાનાની એક હોટલમાંથી 21 વર્ષના છોકરા અને 21 વર્ષની છોકરીના મૃતદેહ મળી આવ્યા છે. છોકરીના ગળા પર કાપના નિશાન છે જ્યારે છોકરાના મોઢામાંથી ફીણ નીકળતું જોવા મળ્યું હતું. હોટલ માલિકે આ અંગે પોલીસને જાણ કરી, ત્યારબાદ પોલીસે ઘટનાસ્થળે પહોંચીને તપાસ શરૂ કરી. દિલ્હી પોલીસે મૃતદેહોનો કબજો લઈને રૂમને સીલ કરી દીધો છે અને બંને મૃતદેહોનું પોસ્ટમોર્ટમ કરવામાં આવી રહ્યું છે.

પ્રાથમિક તપાસના આધારે દિલ્હી પોલીસનું કહેવું છે કે આ હત્યા બાદ આત્મહત્યાનો મામલો લાગે છે. નોર્થ આઉટર દિલ્હીના ડીસીપી દેવેશ મહાલાના જણાવ્યા અનુસાર, મંગળવારે (10 જાન્યુઆરી) રાત્રે, એક હોટલ માલિકે પોલીસનો સંપર્ક કર્યો અને માહિતી આપી કે તેની હોટલના એક રૂમમાં બે મૃતદેહ પડેલા છે.