તમારા આખા પરિવારને ખતમ કરી દઈશુ, સૌરવ ગાંગુલીને જાનથી મારવાની મળી ધમકી, નોંઘાવી ફરિયાદ

ભૂતપૂર્વ ભારતીય ક્રિકેટ કેપ્ટન સૌરવ ગાંગુલી અને તેમની પત્ની ડોનાને જાનથી મારી નાખવાની ધમકીઓ મળી છે. આનાથી કોલકાતામાં તેમના ઘરે સુરક્ષા અંગે ચિંતા વધી ગઈ છે. ગાંગુલી પરિવારે આ અંગે પોલીસ ફરિયાદ નોંધાવી છે. ફરિયાદ મુજબ, સોમવારે બંગાળ ક્રિકેટ પ્રમુખની ઓફિસમાં ધમકીભર્યો પત્ર ખોલવામાં આવ્યો હતો. આ પત્ર અંગ્રેજીમાં લખાયો હતો. તેમાં ભૂતપૂર્વ ભારતીય કેપ્ટન સૌરવ ગાંગુલી અને તેમના સમગ્ર પરિવારને ખતમ કરવાની વાત કરવામાં આવી છે. પરિવારના સૂત્રોએ જણાવ્યું હતું કે છેલ્લા છ મહિનાથી આવા પત્રો સતત આવી રહ્યા છે.

CAB ઓફિસને પત્રો મોકલ્યા, લખ્યું: "હું તેને ખતમ કરી દઈશ."

પોલીસના જણાવ્યા અનુસાર, સોમવારે ક્રિકેટ એસોસિએશન ઓફ બંગાળ (CAB) ઓફિસમાં એક કુરિયર પેકેજ આવ્યું. તેમાં અંગ્રેજીમાં લખેલા બે પત્રો હતા. પત્રોમાં અત્યંત આક્રમક અને હિંસક ભાષા હતી.

છ મહિનાથી પત્રો મળતા હોવા છતાં, તેને અવગણવામાં આવ્યા 

ગાંગુલી પરિવારને છેલ્લા છ મહિનાથી આવા પત્રો મળી રહ્યા હતા. શરૂઆતમાં, પરિવારે તેને પાગલ ફેંસ અથવા વ્યક્તિગત નારાજગી વ્યક્ત કરનાર વ્યક્તિનું કાર્ય ગણાવીને ફગાવી દીધા હતા.