મેદાનમાંથી સીધા હોસ્પિટલ પહોચ્યો પાકિસ્તાની ખેલાડી, સ્ટ્રેચરમાં લઈ જવો પડ્યો બહાર

Hussain Talat

પાકિસ્તાન અને બાંગ્લાદેશ વચ્ચે ત્રણ મેચની ODI શ્રેણીની બીજી મેચ ઢાકાના મીરપુર સ્થિત શેર-એ-બાંગ્લા નેશનલ સ્ટેડિયમ ખાતે રમાઈ રહી છે. આ મેચમાં પાકિસ્તાને ટોસ હારીને પહેલા બેટિંગ કરી હતી, જેમાં તેઓ 47.3 ઓવરમાં 274 રન બનાવીને ઓલઆઉટ થઈ ગયા હતા. લક્ષ્યનો પીછો કરતી વખતે, બાંગ્લાદેશ ટીમની શરૂઆત ખૂબ જ ખરાબ રહી હતી, પરંતુ તે દરમિયાન મેદાન પર એક અકસ્માત જોવા મળ્યો જેમાં પાકિસ્તાની ખેલાડી હુસૈન તલતને સીધા સ્ટ્રેચર પર હોસ્પિટલમાં લઈ જવામાં આવ્યો 

હતો.

બાઉન્ડ્રી રોકવાનો પ્રયાસમાં હુસૈન તલાતના ખભામાં થઈ ઈજા  

લક્ષ્યનો પીછો કરી રહેલી બાંગ્લાદેશની ટીમે પાંચમી ઓવરના અંત સુધીમાં ત્રણ વિકેટ ગુમાવી દીધી હતી. ત્યારબાદ લિટન દાસ અને તૌહીદ હૃદયોયે ઇનિંગ્સને સ્થિર કરી. છઠ્ઠી ઓવરમાં, મોહમ્મદ વસીમ દ્વારા ફેંકાયેલા બીજા બોલ પર, લિટન દાસે ડીપ થર્ડ રિજનમાં શોટ માર્યો. ત્યાં ફિલ્ડિંગ કરી રહેલા હુસૈન તલાતે બાઉન્ડ્રી તરફ જતી બોલને રોકવાનો પ્રયાસ કર્યો, જેનાથી તેના ખભામાં ઈજા થઈ. તેની હાલત જોઈને, હુસૈન તલાતને તાત્કાલિક સ્ટ્રેચર પર મેદાનની બહાર લઈ જવામાં આવ્યો અને પછી તરત જ હોસ્પિટલમાં લઈ જવામાં આવ્યો.

પીસીબીએ તલત અંગે અપડેટ કર્યું જારી 

હુસૈન તલાતની ઈજા બાદ, પીસીબીએ તેની હાલત અંગે અપડેટ જાહેર કર્યું, જેમાં કહેવામાં આવ્યું કે મેદાન પરના તબીબી સ્ટાફ દ્વારા તલતની તપાસ કરવામાં આવી હતી અને તેની ઈજાની ગંભીરતાને ધ્યાનમાં રાખીને, તેને વધુ મૂલ્યાંકન માટે હોસ્પિટલમાં લઈ જવામાં આવ્યો હતો. ડોકટરો વધુ તબીબી તપાસ પૂર્ણ કર્યા પછી તેની ઈજા અંગે સંપૂર્ણ અપડેટ ઉપલબ્ધ થશે. હુસૈન તલતની વાત કરીએ તો, તેણે 2019 માં ODI માં ડેબ્યૂ કર્યું હતું. ત્યારથી, 30 વર્ષીય ઓલરાઉન્ડર ફક્ત 11 ODI રમ્યો છે, જેમાં કુલ 224 રન બનાવ્યા છે.