Shanivar Na Upay: અઠવાડિયાનો દરેક દિવસ કોઈને કોઈએ દેવતાને સમર્પિત હોય છે અને તે દિવસે તેમની વિશેષ પૂજા કરવામાં આવે છે. શનિવારનો દિવસ ન્યાયના દેવતા શનિદેવની પૂજા માટે સમર્પિત છે. આ દિવસે પૂજા કરવાથી શનિદેવની વિશેષ કૃપા પ્રાપ્ત થાય છે. શનિદેવ ન્યાયના દેવતા છે, તેઓ માણસને તેના કર્મોના આધારે ફળ આપે છે. બીજી તરફ જ્યોતિષમાં શનિને ક્રૂર ગ્રહનું નામ આપવામાં આવ્યું છે. એવું માનવામાં આવે છે કે શનિવારે કેટલીક વસ્તુઓ ખરીદવાથી શનિદેવ ક્રોધિત થઈ જાય છે અને વ્યક્તિએ તેની અશુભ અસરનો સામનો કરવો પડે છે. આવી સ્થિતિમાં, ચાલો જાણીએ કે શનિવારે એવી કઈ વસ્તુઓ છે જે બિલકુલ ન ખરીદવી જોઈએ.
લોખંડની વસ્તુઓ - શાસ્ત્રોમાં કહેવાયું છે કે શનિવારે લોખંડની વસ્તુઓ ન ખરીદવી જોઈએ. આ દિવસે લોખંડની વસ્તુઓ ખરીદવાથી શનિદેવ ક્રોધિત થઈ જાય છે. જો તમે લોખંડનો બનેલો સામાન ખરીદો તો તેને ઘરે ન લાવશો.
મીઠું - શનિવારે મીઠું ન ખરીદવું જોઈએ. એવું માનવામાં આવે છે કે શનિવારે મીઠું ખરીદવાથી દેવું વધે છે અને આર્થિક સ્થિતિ નબળી પડે છે. આવી સ્થિતિમાં જો તમે દેવાથી બચવા માંગતા હોય તો આ દિવસે મીઠું ન ખરીદો.
કાળા તલ - શનિવારે પણ કાળા તલ ન ખરીદવા જોઈએ. એવું માનવામાં આવે છે કે આ દિવસે કાળા તલ ખરીદવાથી કામમાં અવરોધ આવે છે. આ દિવસે કાળા તલ અને સરસવના તેલથી શનિદેવની પૂજા કરવામાં આવે છે, તેથી શનિવારે કાળા તલ ખરીદવાની મનાઈ છે.
કાળા રંગનાં શૂઝ - શનિવારે કાળા શૂઝ ન ખરીદો. એવું માનવામાં આવે છે કે શનિવારે ખરીદેલા કાળા શૂઝ પહેરનારને તેના કાર્યમાં નિષ્ફળતા આપે છે.
