કેન્દ્રિય રેલવે મંત્રી મમતા બેનરજીએ આજે યુવા ટ્રેનના નામે યુવાઓ માટે એક નવી ટ્રેનની જાહેરાત કરી હતી.
આજે સંસદમાં રેલવે બજેટ રજુ કરતી વેળાએ તેમણે આ ટ્રેનની જાહેરાત કરતાં કહ્યું હતું કે, મોટા શહેરો વચ્ચે યુવાઓને ધ્યાનમાં રાખીને આ ટ્રેન દોડાવામાં આવશે. જેનો લાભ યુવાઓ તથા જરૂરિયાતમંદ લોકો લઇ શકશે.
ઓછા મુસાફરી ભાડાવાળી આ ટ્રેનો મોટાભાગે મોટા અને મેટ્રો સીટી વચ્ચે દોડાવવામાં આવશે. મમતા બેનરજીએ આ અંગે કહ્યું હતું કે, આ ટ્રેનમાં એસીની સુવિધા હશે. તેમજ 1000 કિલોમીટરથી 2500 કિલોમીટરના અંતરમાં આ ટ્રેનો દોડાવાશે. જેનું ભાડુ અનુક્રમે રૂ. 1500 કિલોમીટર સુધી રૂ.299 તથા 2500 કિલોમીટર સુધી 399 રાખવામાં આવશે.
આગામી ત્રણ મહિનામાં આ અંગે પ્રાથમિક ધોરણે મુંબઇથી દિલ્હી તથા દિલ્હીથી કોલક્તા દાડાવવામાં આવશે એવું તેમણે કહ્યું હતું.
