ખાનગી ક્ષેત્રની સૌથી મોટી કંપની રિલાયંસ ઈંડસ્ટ્રીઝની મહેનત દેખાઈ રહી છે. તેના કૃષ્ણા ગોદાવરી બેસિન બ્લોક ખાતે તેલની ધાર થઈ રહી છે.
સૂત્રોના જણાવ્યા અનુસાર રિલાયંસની કેજી બેસિન સ્થિત ડી. 6 બ્લોક ખાતેથી કાચા તેલની ધાર થઈ રહી છે. અને તેનું ત્રણ દિવસથી પરિક્ષણ ચાલી રહ્યું છે. દેશના ઊંડા સમુદ્રમાંથી કાચા તેલનું આ પ્રથમવારનું ઉત્પાદન છે. જોકે કંપનીએ તેની ઔપચારીક જાહેરાત કરી નથી.
તેલ ઉત્પાદન ક્ષેત્રના નિયામક હાઈડ્રોકાર્બન મહાનિદેશકે બુધવારે જ કહ્યુ હતુ કે રિલાયંસના કેજી બેસિન બ્લોકથી શરૂઆતમાં દરરોજ 10થી15 બેરલ કાચા તેલનું ઉત્પાદન થઈ શકશે. ત્યારબાદ તે વધીને 40 હજાર બેરલ પ્રતિદિન થઈ જશે.
આ જ બ્લોકમાં રિલાયંસને ગેસનો પણ મોટો ખજાનો મળી આવ્યો છે. તેનું ઉત્પાદન એક મહિના બાદ નવેમ્બર સુધીમાં થવાની સંભાવના વ્યકત થઈ રહી છે.
