સુરતમાં વંદે ભારત ટ્રેન પર પથ્થરમારો, AIMIM ચીફ અસદુદ્દીન ઓવૈસી માંડ-માંડ બચ્યા

સોમવારે મોડી રાત્રે ગુજરાતના સુરત જઈ રહેલી વંદે ભારત એક્સપ્રેસ પર પથ્થરમારો કરવામાં આવ્યો હતો. કહેવામાં આવી રહ્યું છે કે એઆઈએમઆઈએમ ચીફ અસદુદ્દીન ઓવૈસી પણ તેમાં સવાર હતા. જોકે આ ઘટનામાં ઓવૈસી નાસી છૂટ્યા હતા, પરંતુ ટ્રેનની બારીના કાચ તૂટી ગયા હતા. આ ટ્રેન પર સુરતથી લગભગ 20-25 કિલોમીટર પહેલા હુમલો થયો હતો. જ્યારે રેલ્વે પ્રશાસને આ હુમલાની તપાસની વાત કરી છે ત્યારે હવે આ મુદ્દે રાજકારણ ગરમાયું છે. એઆઈએમઆઈએમના પ્રવક્તા વારિસ પઠાણે કહ્યું કે ઓવૈસીને ચૂંટણીમાં આગળ ન વધે તે માટે ઈરાદાપૂર્વક પથ્થરમારો કરવામાં આવ્યો હતો.

વારિસ પઠાણે કર્યું ટ્વીટ 

પાર્ટીના નેતા વારિસ પઠાણે ટ્વીટ કરીને લખ્યું કે આજે સાંજે જ્યારે અમે, ઓવૈસી સાહેબ અને AIMIM નેશનલની ટીમ વંદે ભારત એક્સપ્રેસ ટ્રેનમાં અમદાવાદથી સુરત જઈ રહ્યા હતા ત્યારે કેટલાક અજાણ્યા લોકોએ ટ્રેન પર પથ્થરમારો કર્યો અને કાચ તોડી નાખ્યા.

આ હકનો અવાજ અટક્યો નથી અને અટકશે પણ નહીંઃ વારિસ પઠાણ

વારિસ પઠાણે જણાવ્યું કે, જે કોચમાં AIMIM ચીફ ઓવૈસી મુસાફરી કરી રહ્યા હતા તેની બારી પથ્થરમારાને કારણે તૂટી ગઈ હતી. તેમણે ટ્વીટ કરીને ઓવૈસીની મુલાકાતની માહિતી પણ આપી હતી. વારિસ પઠાણે પીએમ મોદી પર નિશાન સાધતા કહ્યું કે મોદીજી, તમે પથ્થરોનો વરસાદ કરો કે આગનો વરસાદ કરો, આ હકનો અવાજ અટક્યો નથી અને અટકશે નહીં.