સિંધમાં 3 હિન્દુ દીકરીઓનું અપહરણ કરીને બળજબરીથી લગ્ન કરાવવમાં આવ્યા, કોર્ટમાં 'સ્વૈચ્છિક' નાટક ભજવાયું

પાકિસ્તાનમાં લઘુમતી હિન્દુ સમુદાય ફરી એકવાર બળજબરીથી ધર્મ પરિવર્તન અને અપહરણની ઘટનાઓથી આઘાતમાં છે. દક્ષિણ સિંધ પ્રાંતના હૈદરાબાદ શહેરમાં હિન્દુ પરિવારોએ ખુલ્લેઆમ વિરોધ કર્યો છે. આરોપ છે કે ત્રણ સગીર હિન્દુ છોકરીઓનું અપહરણ કરીને બળજબરીથી ઇસ્લામ ધર્મ અપનાવવામાં આવ્યો હતો અને મુસ્લિમ યુવાનો સાથે લગ્ન કરવામાં આવ્યા હતા.

પોલીસમાં નોંધાયેલી ફરિયાદ મુજબ, આ ત્રણ સગીર છોકરીઓનું 13 જુલાઈના રોજ સિંધના સંઘાર જિલ્લામાંથી અપહરણ કરવામાં આવ્યું હતું. આ પછી, પરિવારના સભ્યોએ હૈદરાબાદમાં વિરોધ પ્રદર્શન કર્યું અને કાર્યવાહીની માંગ કરી. દબાણ વધતાં, પોલીસે સોમવારે રાત્રે FIR નોંધી. પરંતુ ચોંકાવનારી વાત એ હતી કે બુધવારે, ત્રણેય છોકરીઓ તેમના કથિત પતિઓ સાથે સિંધ હાઈકોર્ટની હૈદરાબાદ બેન્ચમાં હાજર થઈ અને બળજબરીથી ધર્માંતરણનો સ્પષ્ટ ઇનકાર કર્યો.

તેમણે કોર્ટમાં દાવો કર્યો હતો કે તેમણે ઇસ્લામ ધર્મ સ્વીકાર્યો હતો અને 'સ્વૈચ્છિક રીતે' લગ્ન કર્યા હતા જ્યારે તેમના પરિવારોએ આરોપ લગાવ્યો હતો કે તેમને ધમકી આપવામાં આવી હતી. સિંધ માનવ અધિકાર આયોગના અધ્યક્ષ ઇકબાલ અહેમદે વરિષ્ઠ પોલીસ અધિકારીઓને પત્ર લખીને આ મામલાની નિષ્પક્ષ તપાસની માંગ કરી છે. તેમણે કહ્યું, "જો આ છોકરીઓ સગીર સાબિત થાય છે, તો સિંધ બાળ લગ્ન પ્રતિબંધ અધિનિયમ, 2013 હેઠળ આ લગ્ન ગેરકાયદેસર રહેશે."

माफ़ी नहीं मिलेगी मुल्ला

The state of Hindu Girls in Pakistan

They are forced to convert and do Nikah with a Muslim.

It's a warning bell for Sanatanis in India. What happens across Sindh, won't always stay across Sindh. pic.twitter.com/nbADlQCqy3

— Preet Sirohi (@BhaiPreetSingh) September 26, 2024