ભારતે ત્રણ મેચની ODI શ્રેણીની અંતિમ મેચમાં વેસ્ટ ઈન્ડિઝને 96 રને હરાવીને સીરિઝમાં 3-0થી ક્લીન સ્વીપ કરી લીધુ છે. . ટોસ જીતીને પ્રથમ બેટિંગ કરતા ભારતે નિર્ધારિત 50 ઓવરમાં 265 રન બનાવ્યા હતા, જેના જવાબમાં વેસ્ટ ઈન્ડિઝની ટીમ 37.1 ઓવરમાં તમામ વિકેટ ગુમાવીને 169 રન જ બનાવી શકી હતી. વેસ્ટ ઈન્ડિઝ તરફથી કેપ્ટન નિકોલસ પૂરને 34 રન બનાવ્યા હતા. ભારત તરફથી ચહર અને કૃષ્ણાએ 3-3 વિકેટ લીધી હતી.
આ પહેલા શ્રેયસ અય્યર અને ઋષભ પંત વચ્ચેની સદીની ભાગીદારીએ શુક્રવારે વેસ્ટ ઈન્ડિઝ સામેની ત્રીજી અને અંતિમ વનડેમાં ભારતને 50 ઓવરમાં સન્માનજનક 265 રન બનાવવા માટે પ્રારંભિક આંચકોમાંથી બહાર કાઢવામાં મદદ કરી હતી.
રોહિત, ધવન અને કોહલી નિષ્ફળ રહ્યા
ટોસ જીતીને પ્રથમ બેટિંગ કરવાનું પસંદ કર્યા બાદ કેપ્ટન રોહિત શર્મા (13) અને ભૂતપૂર્વ કેપ્ટન વિરાટ કોહલી (શૂન્ય) ચોથી ઓવરમાં ત્રણ બોલમાં પેવેલિયન પરત ફર્યા અને શિખર ધવન (10)ના જલ્દી આઉટ થઈ જવાથી ટોસ જીતીને પહેલા બેટિંગ કરવા ઉતરેલી ભારતીય ટીમનો સ્કોર ત્રણ વિકેટ પર 42 રન થઈ ગયો હતો.
ઐયર અને પંત વચ્ચે મોટી ભાગીદારી
કોવિડમાંથી સાજા થઈને આવ્યા બાદ પ્રથમ મેચ રમી રહેલા ઐયર (111 બોલમાં 80 રન, નવ ચોગ્ગા) અને પંત (54 બોલમાં 56 રન, છ ચોગ્ગા, એક છગ્ગા)એ અહીંથી ચોથી વિકેટ માટે 110 રન ઉમેરીને ભારતીય દાવને સાચવી લીધો. દીપક ચહરે (38 બોલમાં 38, ચાર ચોગ્ગા, બે છગ્ગા) ફરીથી શાનદાર બેટિંગ બતાવી જ્યારે વોશિંગ્ટન સુંદરે 34 બોલમાં 33 રનનું યોગદાન આપ્યું જેમાં બે ચોગ્ગા અને એક છગ્ગાનો સમાવેશ થાય છે.
અલઝારી જોસેફે (54 રનમાં 2 વિકેટ) ભારતીય ટોપ ઓર્ડરને હચમચાવી નાખ્યો જ્યારે લેગ-સ્પિનર હેડન વોલ્શે (59 રનમાં 2 વિકેટ) ઐયર અને પંતને આઉટ કર્યા. ઓલરાઉન્ડર જેસન હોલ્ડરે (34 રનમાં 4 વિકેટ) નીચલા ક્રમને સમાપ્ત કરવામાં મહત્વની ભૂમિકા ભજવી હતી.
ભારત આ મેચમાં ચાર ફેરફારો સાથે ઉતર્યું હતું અને ત્રણ પ્રારંભિક વિકેટો પછી, અય્યરને ચોથા નંબર પર બેટિંગ કરવા મોકલવામાં આવ્યો હતો કારણ કે કેએલ રાહુલ ઈજાને કારણે રમી શક્યો ન હતો. પંત પાંચમા નંબર પર આવ્યો અને બંનેએ વચ્ચેની ઓવરોમાં વ્યૂહાત્મક રીતે બેટિંગ કરી.
વનડેના ધુરંધર જોસેફે દિગ્ગજ ખેલાડી રોહિત અને કોહલીને આઉટ કરીને ભારતીય કેમ્પમાં ખલબલી મચાવી દીધી હતી. જ્યારે રોહિતે તેના ફૂટવર્કનો ઉપયોગ કર્યા વિના બોલને તેની વિકેટ પર ફટકાર્યો, ત્યારે કોહલીએ બોલને લેગ સાઇડથી નીચે ફ્લિક કરવાના પ્રયાસમાં વિકેટકીપર શાઈ હોપને કેચ આપ્યો. સ્કોર થઈ ગયો બે વિકેટે 16 રન.
આ શ્રેણીમાં પ્રથમ વખત રમી રહેલા ધવને 15મા બોલનો સામનો કર્યો અને કેમાર રોચની બોલ પર સિક્સર ફટકારીને ખાતું ખોલાવ્યું, પરંતુ તે ઓફ-સ્ટમ્પની બહાર જતા શોર્ટ પિચ બોલ પર ઓડિયન સ્મિથના હાથે સ્લિપમાં કેચ આઉટ થયો હતો.
અય્યર અને પંત પર મોટી જવાબદારી હતી પરંતુ બંને પોતાની હાફ સેંચુરીને સેંચુરીમાં બદલી શક્યા નહી આ બંને સ્પિનરોને પણ આસાનીથી રમ્યા. પંતે ફેબિયન એલન પર પણ સિક્સર ફટકારી હતી. આ દરમિયાન ઐયરે તેની નવમી જ્યારે પંતે તેની પાંચમી વનડેની અડધી સદી પૂરી કરી.
ચહરે છેલ્લા કેટલાક સમયમાં તેની બેટિંગનો જાદુ વિખેર્યો છે અને ફરીથી તેણે નોંધપાત્ર યોગદાન આપ્યું છે. હોલ્ડરનો પહેલો શિકાર બનતા પહેલા ચહરે એલન અને વોલ્શ પર સિક્સર ફટકારી હતી. વોલ્શ પર તેણે સતત બે ચોગ્ગા અને છગ્ગા ફટકાર્યા હતા. સુંદરે પણ છેલ્લી ઓવરમાં જોસેફને સિક્સર ફટકારી તે પહેલાં હોલ્ડરની બોલ પર એક્સ્ટ્રા કવર પર કેચ પકડ્યો.
